Page 11 - HOH
P. 11
E desaroyo di ultimo tempo, por mira cu e asistentenan a haya mas responsabilidad
compara cu antes, unda tabata papia mas di secretaria, pero cu falta di background
medico.
Pesey e curso aki sigur ta hopi bon. E asistentenan medico di awendia, ta un “verlengde
arm” di un dokter di cas y asina ta wak e paciente prome.
Maske semper e paciente ta keda cu e derecho di mira e dokter, kende ta haya e conseho
di e propio asistente di dokter di cas, despues di haci e triage. Si e asistente ta duda of si
tin pregunta ta dirigi pa un dokter, semper lo haya oido.
Tin masha confianza awor den un asistente di dokter di cas, kende sigur sa kico e ta haci.
E lo bay yuda mas ainda un dokter di cas, segun dr. Joaquin van Trigt.
Por ta cu e ta algo nobo pa pacientenan na Aruba, pero sigur e no ta un drempel mas halto
pa yega na un dokter di cas. Lo contrario!
Den cada practica di un dokter di cas lo tin mester di un asistente medico y HAVA ta
bezig cu AZV pa haya mas asistente certifica pa haci e.o. trabao di triage.
