Page 71 - MIN JUS 26 NOV 2015
P. 71
PAGINA 62 DIARIO DIAHUEBS 26 NOVEMBER 2015
Clasico, crioyo y super bunita
SV Dakota y Kooyman ta presenta un “beyesa
di rotonde” na Tarabana/Dakota
ORANJESTAD (AAN): Diamars for di 7’or di anochi, e luznan
di e rotonde na Tarabana/Dakota, riba Caya Betico Croes, ta
worde cendi cu un tremendo celebracion cu gaita den presen-
cia di esunnan cu a crea y ehecuta e diseño, esta e hungadornan
di SV Dakota, Team Damas y representantenan di Kooyman. E
coordinacion di e trabao di e diferente rotondenan rond Aruba ta
den man di Team Bo Bario, cu tambe lo ta presente.
A scoge pa e decoracion casnan tipico di Aruba, recrea den
miniatura, como tambe un replica festivo di Willem III Toren.
Tur hende cu a pasa wak e trabao den proceso ta expresa cu nan
ta hopi contento cu e diseño crioyo, clasico y super bunita cu ta
evoca sentimentonan di nostalgia di e Aruba di antaño.
Hopi trabao duro y esfuersonan di hopi hende a bay den e dis-
eño pa por logra presenta e “beyesa di rotonde” aki cu tur hende
por ta orguyoso di dje.
Comunidad di Aruba henter y particularmente Dakota y Tara-
bana, y bisiñanan di e barionan den vecindario ta invita pa pasa
un rato ameno diamars anochi ora lo cende e luznan y celebra e
yegada di ambiente y alegria di Fin di Aña den e vecindario.
