Page 6 - AWEMAINTA

6 AWEMainta Dialuna, 3 Juli 2017

Minister di Asunto Economico a ricibi Director Ehecutivo di PAWA

E aerolinea regional ta interesa pa

expande su buelonan den Caribe

DIRECTOR Comercial di aerolinea Domincano, ‘Pan Am World Airways -
Dominicana’ (PAWA), sr. Sebastien Garcia a reuni cu Minister di Asunto Eco-
nomico Richard Arends e siman cu a pasa.
Garcia a keda satisfecho con e reunion a bay cu e mandatario, pasobra di parti
di PAWA tin masha interes den desaroya nan frecuencia na Aruba pa di e forma
aki tin un conexion mas amplio cu Caribe.

“Asina e hendenan di Aruba por biaha mas facil via Santo Domingo na tur e
destinacionnan cu PAWA ta bulando.
Pa nos ta hopi importante pa intercambia di pensamento cu autoridadnan local
pa por sigui crece y conecta cu Caribe.”
Garcia a splica cu awor nan tin 4 buelo pa siman cu ta bula entre Aruba y Santo
Domingo y den e periodo mas druk tin cinco buelo pa siman.
Esnan di Aruba por conecta cu buelonan di PAWA via Sint Maarten, Corsou,
Miami y San Juan.

E intencion ta pa wak con expande nan operacionnan y mira cua t’e posibilidad-
nan pa bin cu buelonan entre Corsou y Aruba.
Esaki ta algo cu mester sigui wordo discuti. “Minister a scucha nos. Nos ta bay
bin bek cu un delegacion di ehecutivonan halto di PAWA pa wak con mas leu
nos por negosha y logra nos meta. E mercado ta pidi esaki y nos ta haci tur lo
posibel p satisface e mercado.”