Page 16 - awe0607

Diaranson 6 di Juli 2022

SPORT
edonan den futbol
R
Redonan den futbol
Ronaldo no ta gusta sistema
R onaldo no ta gusta sistema

a di Erik ten Hag
di hung
di hunga di Erik ten Hag

onaldo den fin di siman a solicita dirigentenan di Manchester United pa
Rcambi’e pa un otro ekipo, supuestamente pa motibo cu e kier hunga den
Champions League, algo cu e ekipo di United no a logra di clasifica pa esaki.
Sinembargo hopi a kere cu Ronaldo nunca a gusta e futbol Hulandes y den
pasado a haci cherche di e seleccion Oranje cu no a hunga den e ultimo
mundial. Hopi ta kere cu loke ta pone cu Ronaldo no kier regresa cu United
ta e hecho cu e entrenador nobo di e ekipo, e Hulandes Erik ten Hag, ta kere
completamente den un ekipo cu por “core” 90 minuut largo, pone presion
pa henter wega, move mas tanto cu por pa asina debilita e ekipo contrario
y Ronaldo cu su edad halto, simplemente no kier haci esaki na e alturanan
aki den su carera. Loke e delantero Portugues ta neglisha ta e hecho cu su
presencia den Manchester United temporada pasa, no a haci e ekipo aki
miho, e no a percura pa pusha su ekipo mentalmente pa nan por a logra
clasifica pa e Champions League pero na mes momento Manchester United
su exitonan no a depende di solamente un hunga bou di ten Hag pero di
henter un ekipo.
AJAX
Despues di lunanan largo di negociacion, e ekiponan di AJAX y Tottenham
Hotspurs, a yega na un acuerdo pa traspaso di e delantero Hulandes, Steven
Bergwijn. E campeon Hulandes lo tin cu paga e suma di 32.5 miyon euro y
awe e delantero di e seleccion Hulandes, lo tin cu pasa su test medico pa
despues firma su contract pa cinco temporada. Inicialmente AJAX no kier a
bay mas leu cu e suma di 25 miyon euro pero Hotspurs tabata exigi 35 miyon
pero awor a yega na un acuerdo di 32.5 miyon loke ta converti Bergwijn den
e hungado mas caro den historia di futbol Hulandes.
BARCELONA
Barcelona a anuncia dos refuerso pa e temporada nobo y ta trata aki di e
medio campista Franck Kessie kende ta bin como agente liber despues di a
bira campeon cu e ekipo di AC Milan, mientras cu awe diaranson, e hungado
Andreas Christensen, kende ta bandona e ekipo di Chelsea como agente liber
y lo pasa den un test medico pa despues firma cu e ekipo Catalan y e lo
reforsa e parti defensivo.
Fuera di e dos refuersonan aki, Barcelona ta trahando duro pa contrata e
marcado di punta Marco Alonso tambe di Chelsea kende lo regresa pa su
pais natal
LIVERPOOL
Definitivamente Liverpool lo no trata di firma e agente liber di Barcelona,
Ousamane Dembele kende ainda no a firma cu ningun otro equipo y tin
rumor cu e kier keda cu Barcelona, pa menos placa mes pero no tin algo
confirma ainda. Dembele tambe ta wordo anhela pa ekipo di Chelsea cu ta
buscando refuerso despues di e perde varios estelar na final di temporada.
MANCHESTER UNITED

Cu eventual salida di Ronaldo for di Manchester United, e entrenado nobo
Erik ten Hag a pidi directiva di e ekipo pa trata di contrata e alero Brasilero di
e ekipo di AJAX, esta Anthony pero e hungado aki tin un prijs di 80 miyon cu
e ekipo Hulandes kier ricibi pa su eventual salida di e ekipo.

16