Page 30 - AM240927

30 GAMING AWEMainta Diabierna, 27 September 2024

Assassin’s Creed Shadows su fecha di lansamento retrasa pa 2025

UBISOFT a anuncia cu su wega hopi anticipa, ‘Assassin’s Creed Shadows’, lo wordo
retrasa te otro aña. Den luga di saca e wega riba 12 di November manera inicial-
mente plania, e lansamento lo wordo movi pa 14 di Februari 2025.

E decision aki ta bin despues di e actuacion decepcionante di otro titulo grandi di
e compania, Star Wars Outlaws, y preocupacion di algun hende riba con Ubisoft
ta wordo maneha. Marc-Alexis Cote, e ‘executive producer’ di e wega, a bisa cu e
desaroyadonan “mester di mas tempo pa drecha y optimisa e experencia.” “Nos ta
compronde cu esaki lo bin manera noticia decepcionante,” Cote a bisa. “Pero nos
sinceramente ta kere cu esaki ta den e miho interes di e wega.”

Den un update di negoshi cu a wordo manda na investors di Ubisoft, cu a wordo
mira pa BBC, e compania - cu tin su sede na Francia - a bisa cu a pesar di e wega
ta “completo den su caracteristicanan,” e mester mas tempo. “E les cu nos a saca
for di e lansamento di Star Wars Outlaws a yuda nos di duna mas tempo pa ‘polish’ e
titulo,” e documento ta bisa.

Star Wars Outlaws a sali den Augustus cu revistanan positivo, pero esnan cu a
hunga tempran a keha di bugs y glitches. Den e update di negoshi, Ubisoft a nota cu
bentanan di e wega tabata “mas abou cu a spera,” y parce cu e compania ta atribui
esaki na un falta di optimisacion.
y a promente un expansion gratis p’esnan cu lo haci
pre-order nobo p’e lansamento revisa.
Señor Cote a bisa cu e compania lo bolbe paga esnan cu a haci pre-order di e wega,

Retrasa
Ora cu finalmente e yega, Assassin’s Creed Shadows
lo t’e prome wega den e serie cu ta situa den Hapon
– un luga cu e fanaticonan a pidi for di e cuminsam-
ento di e serie na 2007.

E decision pa move e wega despues di Pasco - cu
normal ta un temporada lucrativo pa bentanan di
wega - no ta un decision facil. Pero e mal actua-
cion den bentanan di Star Wars Outlaws a causa cu
e ‘shares’ di Ubisoft a baha duro, ora e compania
tabata spera cu e wega lo pone nan bek riba e curso.

Nan ‘shares’ a baha te na un prijs di 11.32 euro, e
mas abou den un decada.

Un investor minoritario a skirbi un carta n’e direc-
tiva prome siman di e luna aki y ta pidi p’e compania
bira priva of wordo bende na un otro investor.

Ubisoft su co-fundado y director, Yves Guillemot, a
bisa cu e move pa retrasa e lansamento di Assassin’s
Creed Shadows ta un resultado di e actuacion di e
firma den e segundo kwartaal - cu “keda abou di
loke nos tabata spera.”

“Nos ta sigui comprometi na crea wega p’e fanatico
y hungadonan cu tur hende por disfruta,” e a bisa.