Page 21 - AHATA
P. 21
website ta den funcion como un “landing-page” y ta completamente activo pa
por aplica pa un cita.
A traves di e website aki, bo por aplica pa carta di garantia of extension
turistico. Bo por yena tur bo datonan incluyendo e posibilidad di por upload
documento nan rekeri manera entre otro passpoort, kvk of payslip. Esaki sigur
lo haci e pre-scanning mas facil y lihe. Unabes cu a aplica riba e website, por
spera un reaccion riba peticion pa cita dentro 48 ora y cita lo wordo otorga
dentro di 7 pa 10 dia di trabou. Ta hopi importante pa tur usuario sa cu riba dia
di e cita mester trese un copia di tur e documento nan cu ta rekeri. E lista di
rekisito pa aplica ta riba e website y ta facil pa por download y print si ta
necesario.
Mientras tanto ta sigui innova y muy pronto lo tin un formulario pa haci bo cita
a traves di facebook facilitando esaki pa tur esunnan cu ta haci uzo di e
plataforma social. Riba e pagina di facebook.com/migracionaruba cu lo habri e
siman aki, tur usuario lo por keda al tanto di tur desaroyo of informacion
importante relaciona cu migracion.
