Page 2 - AB
P. 2
PAGINA 6 DIARIO DIAHUEBS 16 OCTOBER 2025
Aruba Bank ta invita
tur nos grandinan na
Djiespie’s Place pa un
anochi special
ORANJESTAD (AAN):
Aruba Bank ta sigui cele-
bra su 100 aña cu un even-
to special dedica na Nos
Grandinan. Como parti di e
celebracion, e banco ta in-
vita nos grandinan pa asisti
na un anochi special: Hon-
rando Nos Raiznan, 100
Motibo pa Celebra, dedica
na tur esnan cu a yuda pone
fundamentonan firme pa e
generacion di awe.
E celebracion lo tuma lu-
gar diabierna 24 di oktober
2025 di 7:00 PM te 10:00
PM na Djiespie’s Place.
Entrada ta completamente
gratis.
“Honoring Our Roots” ta
un oportunidad pa Aruba
Bank mustra su gratitud
na tur esnan cu a contribui
den e desaroyo di nos co-
munidad. Lo tin musica,
show di baile y hopi ambi-
ente pa tur presente.
Aruba Bank ta invita
tur nos grandinan na
Djiespie’s Place pa un
anochi special.
Celebrando e prome lustro di Toine na Super Do It Center
ORANJESTAD (AAN): Tur hende cu pasa na e fenomenal
carniceria na Super Do It Center por mira Toine ta traha. Un persona
extremadamente servicial, cu atencion pa calidad, y semper ta scucha
su clientenan pa asina sirbi nan na e mihor forma.
Recien a festeha a hecho, cu 5 aña pasa Antonius van Rosmalen
mihor conoci como Toine a drenta den servicio di compania.
Pa gerencia, nan ta mira e decicacion di Toine, cu su positividad
y pasion pa haci un impacto duradero cerca demas empleadonan y
cerca consumidornan. Cinco aña di trabao duro, crecimento, y bon
teamwork.
Gerencia a pasa entrega un plaquette na Toine, hunto cu un
certificado, y tambe e acostumbrado envelop. Nan ta desea Toine
hopi aña mas cu nan.
