Page 41 - flip kpa

Kustwacht ta coy nuebe illegal cu a subi tera na San Nicolas y carga cu
droga
Wednesday, 14 January 2015 08:44

Comparti

Diaranzon marduga polisnan y kustwacht a bai den accion na San Nicolas. A cuminsa un buskeda pa un
cantidad di illegal cu a subi tera. Esaki no ta prome biaha.
E biaha aki e boto a scapa pero sigur e lo bai haci un intento pa bolbe y den e trayecto aki sigur e lo wordo
gara. E lama tabata basta malo y esey ta haci cu e trabou di vigila ta bira un poco mas dificil. Asina mes na
tera e accionnan tabata tey y asina a logra gara na prome instante seis illegal y despues pafo di Colony dos
mas. Mas mainta a gara e number nuebe. E promenan ta kustwacht mes a garanan. E otronan polis a
garanan. Tabata tin un muher tambe entre esnan cu a wordo gara. Durante dia a keda di bai bek na e sitio
aunke ta sospecha cu ta den area di Rodgers Beach nan a drenta.
Tabata tin algun di nan cu paspoort te hasta. Tur a wordo hiba warda unda despues lo pasa nan over
tambe pa esnan di Warda Nos Costa. Durante investigacion a haya tambe algun kilo di marihuana.
Buskeda a sigui te mainta.