Page 48 - ARUBA BANK
P. 48
ORANJESTAD(AAN): Parlamentario di fraccion di MEP Edgar
Vrolijk Diaranzon durante un conferencia di prensa, a indica cu ora cu el a wak con un
documento di CAFT a lek, unda cu prensa a haya esaki prome cu parlamento y ora cu e
wak locual CAFT a skirbi, su conclusion ta cu CAFT a saca su color politico.
“CAFT a mustra cu e ta e ‘Hulk’ berde”.
“Prome cu esey CAFT tabata un petit pois, unda cu na e momento ey e ta laga tur cos
pasa”.
Esaki segun Vrolijk, kende a indica cu ora cu e lesa e rapport di CAFT rond di finanzas
di Gobierno anterior, nan ta bisa entre otro cu nan no tabata tin tur documento, cu
Gobierno anterior a yega e normanan door di pensioen fonds, door di introduci BAZV
etc.
“No tabata tin nada structural pa bisa cu awor nos ta bay mehora e situacion
financiero”.
“Tur cos tabata djis unlucky shot y CAFT a permiti esaki pa pasa”.
Esaki segun Vrolijk, kende a sigui bisa cu CAFT tin tur autoridad di busca tur
informacion, pues con nan por bisa cu nan falta cosnan.
“Esey ta un falta di respet pami, pa parlamento y pa pueblo completo”.
