Page 83 - MIN SJA 22 FEB 2016

Alerta riba practica fraudulento relaciona cu inscripcion
trabou cu Citgo

Posted on 02/21/2016 8:33 pm AST | Updated on 02/22/2016 12:10 am AST

ORANJESTAD – Comunidad mester ta alerta riba e practica fraudulento relaciona
cu inscripcion pa trabou cu Citgo. Asina minister di labor Paul Croes a raporta den
fin di siman. Segun e mandatario, un bes cu a identifica e situacion, el a a acudi na
medionan di comunicacion pa personalmente alerta comunidad di Aruba riba un
practica fraudulento caminda ta ofrece hendenan interesa den un trabou cu Citgo,
nan registro pa un cupo di trabou, a cambio di un suma di placa.

CONDENA PRACTICA

Minister Croes ta condena categoricamente e acto aki y ta reitera cu e unico Citgo Desk
autorisa pa registra potencial trahadonan, ta esun cu su ministerio ta bay cuminsa cu ne
den luna di maart.

E informacion a yega na su oficina cu tin un actonan fraudulento tumando luga na tienda
y companianan caminda ta solicita hende pa inscribi pa trabou na refineria Citgo. “E
personanan sin escrupulo aki ta cobra 250 florin pa inscripcion di cual 150 ta pa
capacitacion, 50 pa chekeo medico y 50 pa gasto administrativo. Mester avisa pueblo pa
tene cuenta y cu e hechonan aki no tin aprobacion di Gobierno di Aruba,” Croes a señala,
bisando acerca cu “Si tin subcontractors cu por busca hende pa traha pa nan compania,
nan lo ta registra cerca e Citgo Desk cu Gobierno a anuncia y cu pronto lo ser inaugura.”

PERSIGUI LEGALMENTE

Croes ta lamenta cu tin hende eyfor cu kier probecha di e oportunidad di trabou y e
ilusion di un grupo di persona pa haya un trabou den refineria. Informacion obteni dor di