Page 14 - AWEMAINTA-edition-2005
P. 14
Diabierna 20 di Mei 2022
Presion riba Hulanda pa saca mas gas
a algun dia caba gobiernonan na Europa y tambe di Mer-
Pca, a bin ta presionando Hulanda pa entrega mas gas na
paisnan cu tin mester di esaki, awor cu na Europa nan kier
bay over na candela tur entrega di gas procedente di Rusia.
Hulanda ta sacando gas for di Groningen pero no kier dis-
cuti esaki mes cu otro paisnan pero awor tanto paisnan Eu-
ropeo como Merca, ta exigiendo di Hulanda pa saca gas for
di Noordzee.
E presion ta birando mas serio awor cu e Comision Europeo,
mas pronto posibel kier cuminsa reduci importacion di gas
for di Rusia pa asina cubri e necesidad aki, segun e experto
di gas di TNO, Rene Peters a declara.
El a sigui mustra cu sigur awor cu e Comision Europeo a cum-
insa alerta paisnan Europeo cu nan tin cu cuminsa prepara
nan mes pa un eventual blokeo di importacion di gas for di
Rusia, e presion riba Hulanda ta bira asina mas serio.
Gobierno di Mark Rutte mes no a duna ningun informacion
oficial riba e tema aki y kico Hulanda lo bay haci pa cumpli
cu e demanda aki.
14
