Page 20 - AWEMAINTA-edition-2005

Diabierna 20 di Mei 2022

Ruben Croes ta despedi despues di

un carera di mas cu 45 aña den cuido

UBEN EVERALDO CROES, broeder, ingeniero, piloto, capi-
Rtan di barco [grootvaarbewijs), docente cualifica (Pedago-
gisch Getuigschrift), musico, manager di dos banda musical,
imker den su tempo liber, tata di dos yiu y padushi di tres nie-
to; su pret’i wowonan.
Un persona cu no solamente a dedica su mes cu alma y curpa
na su profesion di enfermero, pero tambe a haci trabou bol-
untario practicamente henter su bida, haciendo hopi sacrificio
den su bida personal.
Corona riba su meritonan ta su condecoracion como Ridder
in de Orde van Oranje Nassau, otorga na dje na 2012 pa SM
Reina Beatrix pa su trabounan sobrehumano na Haiti despues
di e temblor na 2010 y e forma con el a pone Aruba riba mapa
di mundo cu su idea, su invencion cu pa semper lo keda riba
su nomber y di Anthony Blok como e fundadornan di Aruba
Hi-Winds Pro-Am & Amateurs. Pero tambe e ta co-fundador di
Search & Rescue y actualmente presidente.
Ayera tabata Ruben su ultimo dia di trabou, despues di 46 aña
trahando den enfermeria. Su prome dos añanan cu el a traha
na San Pedro di Verona cerca e soeurnan, e tabata hopi jong pa
por a wordo tuma oficialmente den servicio y p’esey e añanan
aki no ta wordo conta den su total añanan di servicio. Oficial-
mente nan ta 44 aña, loke ta un berdadero hazaña cu poco ta
logra.
Pa e dia aki no a pasa bay sin mas, doño di e Deli den Hospital,
Sra. Amber Daryanani, a organisa algo bunita pa Ruben: el a
decora su luga, prepara snacks, traha un bunita collage di Ru-
ben su bida en corto y bisa tur hende pa pasa desea nan amigo
Ruben tur felicidad den e etapa nobo aki di su bida. Ruben a
bin cu su guitara y den un rato ambiente a forma. Soeur Figa-
roa dfm a yega di bisa den un entrevista: “Si tabatin 100 Ruben
riba e mundo aki, mundo lo tabata un miho luga.”
Nos ta sigur cu Ruben lo no bay descansa pasobra e ta un per-
sona demasiado activo, pero awo e por disfruta di mas trankil-
idad y dedica tempo na e parti priva di su bida.

20