Page 39 - UTILITIES

Ya caba sindicato STA a topa cu gobierno, pero tambe mediador tabata interveni hunto

cu consehero di Gobierno riba e ramo di Energia, cu ta sr. Edison Briesen. Despues cu

mediador, consehero di gobierno, director y sindicato ALVAST, cu ta di staff y tambe

sindicato STA a sinta na mesa separadamente, a sigui otro reunionnan entre ALVAST y

STA, finalmente e dos sindicatonan a dicidi cu nan no kier tin ningun envolvimento di

mediador den nan problema, esaki segun Diego de Cuba, presidente di sindicto STA,

kende a expresa alabes cu e situacion ta sigui tenso. Despues di varios reunion hunto cu

ALVAST, nan a yega na e conclusion cu nan no kier pa sr. Pontilius intermedia mas y ta

exigi otro mediador, pasobra nan no a mira ningun progreso den e ultimo temponan cu sr.
Pontilius.

Den e mesun rosea cu nan ta para riba cu e director mester bay. Den pasado a yega di bisa

cu si e director bay, mucho cos no lo cambia. Pero e trahadonan y sindicato ta sinti

diferente. Cu si nan bay 10% mes dilanti awor aki den nan problema, ta hopi caba, si e
director no tey mas. Cualkier stap chikito cu nan bay dilanti cu ausencia di e director aki,

pa nan, ta un adelanto. Y ademas, e director no por actua solamente riba su mes. E ta

actua segun e board tambe, entre otro di Utilities cu ta responsabel pa e companianan di

Utilidad.