Page 6 - ATA 8jan,2016
P. 6
10 AWEMainta Diabierna, 8 Januari 2016
Aeropuerto di
Aruba a wordo
bishita dor
di Minister di
Seguridad y
Husticia di Hulanda
Sr. van der Steur
ARUBA Airport Authority N.V. (AAA) recientemente
a ricibi Minister di Seguridad y Husticia di Hulanda na
aeropuerto pa un rondleiding di e facilidadnan di aero-
puerto y a splica e plannan pa expansion y mehoracion.
CEO di AAA, Sr. James Fazio a duna Minister Sr. van der
Steur y su delegacion cu a compañ’e e oportunidad di
mira e varios sistemanan electronico di procesamento
di frontera (electronic Border Processing systems) na
aeropuerto, incluyendo e sistema Happy Flow y kios-
konan APC pa pasaheronan biahando pa Merca.
Durante e rondleiding Sr. Gerald Vingal, hefe di IASA a
splica e beneficionan di e sistemanan automatisa pa Bor-
der Control pa Aruba y pa aeropuerto. E Port Director di
US Customs and Border Protection na Aruba, Sr. Grimes
tambe a elabora riba e operacion di Pre-Clearance na
Aruba y e beneficionan di e kioskonan di Automated
Passport Control dor di aeropuerto di Aruba.
Minister Sr. van der Steur a ricibi un experiencia di cerca
di tur e procesonan cu recientemente a wordo mehora
na aeropuerto y a keda cu un impresion positivo di e
facilidadnan y tambe e teamwork cu ta existi entre e
partnernan di aeropuerto pa mehora e experiencia di e
pasahero na aeropuerto di Aruba.
