Page 48 - HOH

“Awo nos tin un nomber pa e malesa y esey ta Covid-19”, e director general di OMS a
bisa prensa na Ginebra, splicando cu “co” ta nifica “corona”, “vi” pa “virus” y “d” pa
“malesa”.

Tedros a bisa cu OMS ta considera cu tin un “posibilidad realista pa stop” e coronavirus
nobo, cu a laga mas di 1.000 morto y mas di 42.000 persona infecta, specialmente na
China.

Alrededor di 300 experto di tur parti di mundo den virologia, epidemiologia y otro
specialidad cientifico a cuminsa diamars den sede di OMS na Ginebra, un reunion di dos
dia pa studia vianan di investigacion di e coronavirus di Wuhan y posible tratamento y
vacunanan.

E reunion, cu portanan cera y cu algun expertonan (entre nan hopi docter Chines) a
participa via teleconferencia, ta busca avanza den conocimento di e origen di e malesa,
su via di transmision, su gravedad y medidanan cu a wordo tuma contra dje, OMS a

informa.

“Ta dificil pa kere cu apenas dos luna pasa e virus, cu a cautiva atencion di medionan di
comunicacion, mercadonan financiero y lidernan politico, tabata completamente

desconoci”, segun Tedros Adhanom Ghebreyesus, den e discurso inaugural di e foro.

https://www.diario.aw/2020/02/oms-nomber-oficial-di-coronavirus-nobo-ta-covid-19/