Page 23 - KPA - NOVEMBER 27

AWEMainta Diabierna, 27 November 2015 15

Den preparacion pa Carnaval 2016

Polis ta atende peticion pa bar y
cushina durante carnaval

MESCOS cu tur aña, e departamento cu ta atende asuntonan di permiso pa

eventonan, ta cuminsa acepta peticion pa por haya permiso pa maneha un
bar of un cushina banda di caminda durante eventonan carnavalesco
di otro aña.
Ta tene cuenta cu e eventonan di carnaval ta cuminsa trempan otro
aña, pues mester regla tur permiso na ora.

Desde dialuna dia 23 di november por cuminsa entrega peticion
pa un “ventvergunning” pa carnaval 2016. Locual mester
entrega ta un stampia di 4 florin, un potret recien saca,
carchi berde di Departamento di Salud Publico,
copia di registracion na Censo of si ta stranhero
mester copia di e permiso vigente y valido. Pa
haci peticion mester paga 225 florin, hunto
cu e demas rekisitonan ariba menciona.

Cuerpo Policial Aruba ta acepta e peticion aki
na tur 4 Warda di Polis situa tur rond di nos
isla, pues n’e ex edificio di DIMAS den
Wilhelminastraat na Oranjestad na
Centro di Husticia na Macuarima
na Santa Cruz, na Warda di
Polis di Noord situa na Shaba y
na Warda di Polis di San Nico-
las, di dialuna pa diabierna du-
rante oranan di oficina. Ta corda
tur esnan interesa pa haci esaki
mas pronto posibel debi cu tin
dianan di fiesta den december
y e prome evento di carnaval
ta dia 2 di januari 2016 caba.