Page 32 - DE MEZA_Neat

Aruparking: A duna orden pa elimina

klem di auto mesora

Posted on 05/2/2017 4:29 pm AST | Updated on 05/3/2017 12:51 am AST

ORANJESTAD – Director di Aruparking/Arubus Teo Croes a confirma cu a haya
orden pa para e proceso di klem auto awe. “Esey ta berdad. Nos ta wardando algo
op schrift” Croes a bisa. Lo para esaki 'voorlopig' te ora cu bin un otro ley of
manera pa duna boet. Manera cu prome minister Mike Eman a priminti un grupo
di comerciante mas prome, elo a bay duna orden pa para e asunto di klem auto
mesora. Croes a confirma tambe cu e parkeerwachternan a rabia. Noticia no
confirma ta bisa cu nan lo kier bay protesta na Bestuurskantoor mayan.
Mientrastanto, automobilistanan a cuminsa pone auto con cu ta, cu a pone cu ta bay
takel autonan debi cu nan ta creando ‘foutparkeren’.

PAKICO KLEM

Manera ta conoci, ora cu a introduci e klem, esey tabata e forma pa castiga e
automobilista pa incumplimento di ley di parkeer corecto. Sea ta pa a pasa ora di parkeer,
parkeer den vak incorecto etc. Pero no por boet hende mas pasobra sin klem, no tin otro
forma di boet. Sinembargo e unico otro forma ta si bo parkeer p.e. riba trattoir of otro
caminda cu no ta permiti pa parkeer, manera acera marca na heel. E ora si ta sigui takel.

A CUMINSA PARKEER MALO

Y manera cu a anticipa, asina cu a anuncia cu no ta klem mas, automobilistanan a
cuminsa parkeer nan auto unda cu ta, cu ta pone cu a duna orden pa cuminsa takel auto
debi cu e autonan ta mal staciona.

http://www.noticiacla.com/news/9472