Page 84 - DE MEZA_Neat

Prome Minister Mike Eman Ta buscando solucion pa parkeo
paga y pa no klem te ora cu ley keda cla

Tuesday, 02 May 2017 23:00
Comparti

Diamars tin un grupo di 30 persona a reuni na Plaza Daniel Leo pa manifesta contra e klem. E grupo aki
tabata pidi pa kita klem pasobra nan negoshi ta sali perhudica
, pasobra nan no ta hayando cliente. Prome Minister Mike Eman a indica cu e idea di parkeo paga a bin
for di propio mundo di comercio den añanan cu a constanta cu Caya Grandi tabata bayendo atras.
Prome cu e renobacion tiendanan tabata cerando y tabata busca hopi argumento cu por a yega na un
conclusion pakico Caya Grandi tabata bayendo atras e tempo ey prome cu e renobacion grandi a tuma
luga. Un di e temanan cu a sali e tempo ey tabata cu e decision di Gobierno di MEP tempo ey pa pone un
choller house, unda cu tabata atende cu e adictonan ambulante net na Hotel Central, tabata un decision
robes. Pasobra no unicamente hoi adicto tabata bay cana den caya y ey tabata e caminda mas cerca unda
cu nan tabata yega na massa, pero tambe henter e luga nan tabata colga paña pafo, no tabata un bista
hunto cu e deterioro di e luga. Tambe e echo cu durante añanan a permiti mas y mas mall a wordo
construi dilanti hotelnan, a bay ta poniendo un competencia mas grandi pa Caya Grandi y desaroyo den
Havenstraat tambe a trek for di Caya Grandi y hib'e mas cerca di waf.
Tur e temanan aki a sosode durante e gobernacionnan anterior y no di AVP. "Nos a haya un caha di
morto, un caha deteriora, mas cu mita di e tiendanan ta cera y nos a haya yen rapport. Un di e
rapportnan tabata bisa e tempo ey, MAMBO, e asunto di choller, criminalidad, bentananan ta wordo
kibra, caya ta na werki, pero tambe un tabata bisa cu clientenan no tabata haya espacio pa parkeer,
pasobra empleadonan tabata yega un tiki mas trempan," Prome Minister a indica. Ora cu un cliente
tabata yega e no ta haya espacio pa parkeer. E tempo ey a bin cu e sugerencia di parkeo paga pa evita cu
un persona cu kier bin Caya Grandi haya un espacio. Asina henter parkeer y parkeermeters, klem ta e
forma cu a scoge pa controla cu hende ta keda den e limite cu nan a paga.
Ora el a wordo introduci e kehonan a drenta tog cu e no a funciona manera e tabata debe ser. No ta un
bes pero hopi bes como Minister President pero tambe como un hende hopi preocupa pe situacion a
acerca e minister anterior pa pidi flexibilidad di e reglanan. Por ta Caya a pidi pe, pero e no a traha
manera a pensa. "Nan a pidi'e y e no a traha manera nan a spera, ban ta responsabel tambe y ban busca
pa wak con pa cambi'e y ta mas flexibel y pa por midi na final si esey ta e causa," Prome Minister Eman a
remarca. Si no haci algo di cambio, por ta keda pensa cu esey ta e causa y por ta esey no ta e caso. P'esey a
busca pa haci e cambio pa mira si esey ta haci un diferencia y no tabata tin hopi flexibilidad e tempo ey.
Pa evita confrontacionnan den gabinete a purba di sigui dialoga na un forma sin cu e ta yega na un
polemica. Nan tin e responsabilidad grandi pa mantene stabilidad den gobernacion y pais. Tin hopi tema
pa atende hunto cu Caya Grandi. Pareu cu a bin cu cambio den gobernacion, Prome Minister a acerca
Minister de Meza, kende a tuma over e cartera, pidiendo su cooperacion cual el a haya di biaha. Asina aki
a cuminsa baha e orarionan cu mester di paga. A cuminsa introduci cantidad di dianan liber na
december, cosnan special pa mira con pa kit'e. Echo ta cu tur flexibilidad aki ta keda e klem, cu desde
prome dia cu e minister anterior no tabata t'ey mas, Prome Minister a acerca Minister de Meza pa
deshaci e klem. Den conseho di minister aproba y a pidi via e wetgeving un alternativa si un hende pasa e
tempo cu el a pasa pe haya un tiki mas tempo.
A manda un delegacion cu Teo Croes na New York pa mira cu eynan nan tin otro sistema, unda cu na cas
e persona ta haya un boet. Klem a keda exiti pa hendenan cu haya boet 2 pa 3 biaha y no ta paga boet,
unda nan haya e auto nan ta klem e. Esey no ta pasa si prome biaha bo pasa e tempo bo ta haya klem,