Page 29 - MIN.SJA APRIL 7

Reunion importante entre Minister di Labor y FTA

· Apr 4th, 2015
· Local

Diamars merdia a tuma lugar un reunion entre drs. Paul Croes, Minister di Labor y Presidente di FTA sr.
Rudy Geerman hunto cu representantenan legal. Topiconan cu a wordo discuti ta cambionan y
evaluacion di cambionan di ley di 2013 y efecto cu esakinan tabatin riba e mercado laboral.
“Productividad laboral, esei ta mi meta principal. Mi kier pa e trahador ta protehi, cu mas hende na trabou
y cu esaki por contribui na mas desaroyo economico”, Minister Paul Croes a mustra na e Presidente di
FTA. “Cambionan den ley y discusionnan riba esaki, mester sosode den dialogo cu partnernan social
manera entre otro sindicatonan”, Croes a expresa. Di banda di FTA tabatin tambe preguntanan riba
posibel cambionan cu lo por bin den e tri-partite cu dentro di un luna lo inicia. E cambionan aki ta regarda
e codigo civil, dirigi riba e leynan laboral unda Minister Croes lo desea mas concordancia cu e ley
Hulandes. Esaki ta hasi casonan den Corte un poco mas transparente. “Tin posicionan comun unda FTA
tambe ta sinti necesidad pa cambionan den e ley, pero di otro banda nos mester sigui dialoga pa por
yega finalmente na otro, pero nos lo sali afo sigur. Nos tur ta trahando finalmente na bienestar di e
trahado y e comercio su desaroyo. Productividad, proteccion y participacion, esakinan ta keda central”,
Minster Paul Croes di Labor a mustra.

http://masnoticia.com/reunion-importante-entre-minister-di-labor-y-fta/