Page 4 - AWM 12AUG2017

4 AWEMainta Diasabra, 12 Augustus 2017

Morto den trafico na Corsou

WILLEMSTAD – Ayera mainta, alrededor di 09.22 or, Central
di Polis a ricibí notificacion di un accidente di tráfico cu a tuma lugar
riba Caminda Rignald Recordino.
E unidad policial cu a yega n’e sitio a nota cu ta trata di un accidente
entre un dumptrùck y tres auto.
For di un investigacion preliminar cu Polis a haci n’e sitio a resultá cu
un auto (1) tabata coriendo riba e caminda sin nòmber cu ta conducí
di Cadushistraat te cu Caminda Reginald Recordino.

Dado momentu e auto (1) aki a sali for di e caminda aki pa subi Caminda
Rignald Recordino sin duna preferencia na un dumptrùck cu tabata
biniendo for di Sta. Rosa bayendo direccion di Montaña.
Consecuentemente e dumptrùck a dal den banda di e auto (1) aki. E
auto (1) aki na su turno a bay dal den un otro auto (2).
Dor di e impacto auto (2) a bay dal den auto (3) cu tabata biniendo
su tras.
Mesora a pidi dos ambulance pa yega n’e sitio cu urgencia p’asina por
a duna e otro dos victima nan prome asistenvia.
Mester a pidi Rescue-Wagen tambe pa yega cu urgencia p’asina corta
un di e vehiculonan pa motibo cu ta tin persona pega den vehiculo.
Despues di a logra corta e vehiculo a saca un di e victimanan y a dune
prome asistencia pa despues transporte cu urgencia pa policlinica.

Chofer di e auto (1), e hòmber Jamil Toufic Huneidi, naci na Libanon
14 april 1939 (78 aña) a ricibí múltiple lesion y a fayecé n’e sitio mes.
Alrededor di 10.35 or dòkter di Polis a constatá morto di J.T.H.
Un ocupante cu tabata den e auto (1) hunto cu e víctima y tambe e
hòmber chofer di e auto (2) a keda transportá cu ambulance pa poli-
clínica di SEHOS pa tratamento médico.
Departamento di Tráfico ta continuá cu e investigacion.