Page 54 - MIN VOS

A20 deporte
Dialuna 11 September 2017
Declaracion firma pa introduci norma den deporte

ORANJESTAD - Recientemente minister di Deporte Alex Schwengle y
partnernan IBiSA, ASU, COA, FLpD , FFD a firma un declaracion pa pro-
move mas y miho maneho den deporte.

E declaracion aki lo wordo introduci den mundo di deporte pa asina cosnan por
cana den un bon direccion. E proyecto ta pa introduci un Good Governance Code
cu a inicia for di mas cu 2 aña caba.

Si papia di bon gobernacion, si ta cumpli cu reglanan, mester tin un codigo, segun
e relato di ministerio di Deporte. “Asina aki a bin cu e idea pa introduci codigo di
bon gobernacion no solamente den salubridad pero den deporte tambe. E codigo
di bon gobernacion di salubridad a wordo firma e aña aki y awo falta esun di de-
porte. E documento mester tin su unidad cu ta para su tras y esaki ta e partnernan
cu a firma. A yega na e acuerdo cu esaki lo ta e bon gobernacion. Esaki no ta un
ley pero e ta mas un acuerdo unda cu a bin di e boluntad propio di e partnernan
den e mundo di deporte. Pasobra bou di nan tin e federacionnan y bou di nan tin e
clubnan. Kier introduci e bon gobernacion pe partnernan y cu tempo lo introduci
esaki pe federacionnan.”

E relato ta sigui cu: “A cuminsa pensa riba e parti con lo bay reorganisa y restruc-
tura deporte en general, pero tambe tur trabou cu ta bin ta haciendo den e parti di
salud publico. Cada bes ta pega cu mester tin un tiki mas calidad di gobernacion,
pasobra tur hende ta papia di dje. A yega na un consenso, un unidad den vision y
esey a culmina den e documento di vision 2017-2027. A firma un intentieverklar-
ing den e prome mita aña, unda cu esaki ta e vision desea pero tambe loke e mundo
deportivo kier pa Aruba.”
E documento ta duna e integridad bida y e ta hancra esaki tambe, pero tambe trans-
parencia. Esaki ta unda cu mester ta transparente no solamente den maneho pero
tambe den e obhetivo nan cu ta desea di logra, con ta logra esakinan. Tambe e parti
financiero, cual mester duna bon transparencia di unda e placa a bin y bay. “Duna
cuenta di kico ta haci, di cual esaki ta masha facil ora di palabra. Ora cu haci un
palabracion y si desvia di esaki, por lo menos por duna un splicacion dicon. Esaki
ta e etica cu kier bay introduci den e maneho di mundo deportivo, pero tambe den
salubridad”, segun e relato di e ministerio.