Page 41 - FDLP

Diabierne Anochi, Tabata Un Nochi Historico Pa

Rooney Boye, Kende A Huramenta Tur Instructor Di

Aruba Den Mauy Thai

 Deporte

 Featured
- 16/07/2018

Diabierna anochi tabata un anochi historico, pasobra ta pa prome biaha den historia di
deporte, Instructornan oficial den deporte di Muay Thai a huramenta na Aruba y den
Caribe. Normalmente esaki ta tuma lugar na Thailand so y unda e Rey di e pais y semper
riba un fecha fiho, caminda tur pais cu tin instructor cu a pasa nan examen bon y mester
huramenta ta na Thailand, cu semper ta sosode den luna di maart y e fecha semper ta dia
17 na un lugar y cuidad yama Yuta.
Muay Thai Kickboxing Aruba ta dirigi pa su Presidente Roony Boye, kende a logra di
haya e permiso aki y a celebra e anochi aki cu hopi hende como invitado, e.o. Minister di
Husticia, mr. Andin Bikker, Comisario Trudy Hassel, Jerry Franca, Presidente di ASU,
Di Stefano Wernet di Fundacion Lotto pa Deporte y sr. Geerman, Director di CEA, pa
nan presencia e ceremonia y tambe el a ser invita pa entrega di asina yama Mongon n’e
esnan cu a huramenta p’esaki e anochi. E tabata un ceremonia grandi y emocional pa
mira esaki.

Prome cu esaki e MC, sr. Erick Nassi a splica kico e Mongon ta y pakico e ta wordo usa y
kico tin su tras y tambe a conta e storia di e deporte aki cu ya ta exsiti pa mas di 2000
aña. Hopi hende a keda impresiona cu e splicacion aki, ya cu nunca esaki a wordo splica
na otro cu no sa, pero nos por a tende y awe nos por bisa cu nos sa un tiki mas di e
deporte aki cu a cuminsa na Aruba na 1989 ora Rooney Boye a bin for di Hulanda como
un instructor oficial y a cuminsa cu e deporte aki na Aruba.