Page 17 - CMB

Diaranson, 23 Mei 2018 AWEMainta 3

Maske cu tur intento ta ser haci pa core cu representante di Aruba den CAft

Robert (Chobby) Croes ta nombra te cu dia 31 di juli awor

Despues di e fecha aki, Gobierno lo por propone un candidato nobo

NO AWE, pero for di dia cu Gabinete Wever-
Croes a sinta, e opinionnan ta, cu mester core
cu representante di Aruba den CAft, sr. Robert
(Chobby) Croes. Esaki a keda manifesta mas y mas
ultimamente, cu te hasta a surgi e proposicion pa
elimina CAft, y pa Aruba introduci un Begrotings
Kamer.
Awor ta bin cu clase di argumento, pa wak con
por core cu Chobby Croes como representante di
Aruba for di CAft.

Asina p.e. a tende cu ultimamente na dos ocasion
a surgi un leak di informacion di documento for
di CAft, loke sigur Gobierno no ta aprecia y asina
a cuminsa bisa cu Gobierno ta opta pa cambia
representante di Aruba den CAFT.
Haciendo nos trabao y investiga un que otro,
AWEMainta por a compronde cu dia 31 di juli
awor e periodo di Robert (Chobby) Croes ta expira
y como tal Gobierno lo por bay over na nomber e
candidato cu nan tin.

Maske cu ta ser menciona, cu lo prefera di core
cu Chobby Croes adelanta, esey sigur Gobierno
di Reino lo no permiti sin mas, siendo un persona
cu a ser nombra via di un Decreto Real. Y no sin
mas, por deshaci di dicho persona, kende merece
tur respet.
Tambe tin deseo pa elimina henter e asunto di
CAft, esaki sigur por, pero Aruba tin cu carga cu
consecuencianan cu esaki lo trece cune.

CANDIDATO
Ta logico cu Gobierno kier un persona di nan
color politico, y como tal maske ainda no tin
un decision, den seno di MEP, por tende mas y
mas nomber di mr. Arie Swaen pa bira e proximo
miembro di CAft pa Aruba.
Mientras cu lo sigui traha riba introduccion di un
Begrotings Kamer, pero esey no kier men cu lo por
bay over na exclui CAft.

President di Hoge Raad di bishita na Ministerio Publico

PRESIDENT di Hoge Raad di Reino Hulandes, Maarten Feteris a haci
recientemente un bishita na Procurador-General di Aruba mr. Alexander
van Dam. Hoge Raad ta Corte di mas halto di Hulanda, Aruba, Curaçao
y Islanan BES.

Despues di un encuentro ameno entre e Procurador-General y e President,
señor Feteris a haya un rondleiding dor di e edificio nobo di Ministerio
Publico. El a keda hopi impresiona.
Durante su bishita na Aruba, e President a duna un colege na Universidad
di Aruba. Esey tabatin como tema Hoge Raad di Reino Hulandes.