Page 49 - CMB
P. 49
Aruba Bank orguyoso di su ekiponan cu a
participa den Ronde van Aruba
May 22, 2018
ORANJESTAD, Aruba: E aña aki un biaha mas Aruba Bank a participa den e di 26 Ronde van Aruba cu dos
ekipo. E Ronde van Aruba ta un evento anual y Marinierskazerne ta organisando esaki pa 26 biaha. E prome
ekipo tabata consisti di Rocila Acosta, Sonaly Acosta, Rachel Maduro y Inoira Maduro y e di dos ekipo tabata
consisti di Jeroen Gerfen, Danielle van Staveren, Arnoud van Os y Dirk van Ormel.
E competencia di Ronde van Aruba ta consisti di diferente categoria, tanto individual como di ekipo manera
duo, estafette of mixto. E ekiponan di Aruba Bank a prepara nan mes pa asina por a participa den e Ronde van
Aruba, cual a cuminsa diabierna anochi y termina diasabra mainta.
E ekiponan a ricibi sosten di esunnan cu a acompaña nan den auto, kendenan tabata duna nan e animo pa sigui
core pa asina termina e coremento di 72KM. Coleganan tabata para banda di caminda pa asina apoya e
ekiponan den e careda cu ta exigi hopi di e miembronan individualmente. E competencia aki a exigi condicion
fisico y energia di e participantenan.
