Page 54 - AVP

Situacion Alarmante Den Enseñansa Di Pais Aruba,

Minister Rudy Lampe A Pone Docentenan Di OAA Un

Banda Y Ta Busca Otro Den Sector Priva Y Publico

Pa Reempla Nan; Rudy Lampe No Por Keda Mas

 Politica
- 13/10/2019

Diabierna mainta un biaha mas fraccion di AVP tabata na Parlamento pa pidi/urgi un
reunion publico riba enseñansa. Marlon Sneek ta di opinion cu e situacion ta uno
inaceptabel mirando cu a pidi 5 reunion caba y te dia di awe niun di nan a keda honra.
Banda di e situacion di tension pa un reunion, e maestronan mes a presenta dilanti
portanan di Parlamento p’asina pidi un reunion publico sin haya oido di e mandatarionan.

Locual cu si a hala fraccion di AVP su atencion pisa t’e hecho cu Minister di Enseñansa,
Armando Rudy Lampe oportunamente ta warda fechanan cercano na vakantie p’asina e
implementa/ehecuta cambionan abrupto y cuestionabel.
Marlon Sneek ta conta cu informacion cu nan a ricibi ta indica cu Minister Rudy Lampe
lo ta lantando un stichting nobo cu lo bay tuma e rol over di Openbare Avondleergangen
Aruba (OAA).
Un scol cu a brinda e oportunidad na hopi studiante un segundo oportunidad den nan
estudio y caminda hopi funcion den sector laboral manera e.o. carpinte, mecanico,
koelmontuer como escogencia.

Ta papia di alrededor di 48 maestro cu te ainda ta wardando contesta di Minister di kico
ta bay pasa cu nan, mientras di su banda e tabata bisa nan cu nan lo bay combersa riba e
tema di “no work no pay”, overuren , pago riba lesuren y asina por keda menciona mas
punto.