Page 17 - AM200602
P. 17
Diamars, 2 Juni 2020 AWEMainta 17
Despues di un problema cu su pareha,
Homber a bay draai su auto y
a dal’e contra un cura di cas
DIADOMINGO un poco despues di 8’or di anochi,
patruya di Noord y tambe di trafico a wordo pidi cu
urgencia na Tanki Leendert na altura di e Speel-
school “Mi preti Wowo” pa un auto cu a bay draai y a
dal contra un cura di cas.
Na yegada nan a bin topa cu un Nissan Sentra Blanco
pega contra un cura di cas. Mesora nan a bay atende
cu e chauffeur di e auto.
Polis a nota cu e homber tabata bou influencia di un
of otro substancia. E tabata keda move y no tabatin
paracion.
Polis a detene e chauffeur y el a wordo transporta cu
transportwagen di Polis pa Warda di Shaba.
Na momento cu Polis tabata atendiendo cu e dalmen-
to aki, un familiar di e homber a yega n’e sitio y el a
conta Polis, cu ta varios biaha caba cu e homber aki
ta riba su cosnan. Polis a splik’e camindanan cu e
mester cana.
Net n’e momento ey e pareha of ex pareha di e chauf-
feur tambe a yega n’e sitio. E dama aki a splica Polis
cu for di basta dia caba e tin problema cu e homber
y cu te hasta e lo a core e homber for di su cas, pero
e homber no kier tende y awe el a sali bay draai cu
su Nissan Sentra, caminda el a perde control bay dal
contra e cura di cas.
Polis di Trafico tabata n’e sitio y a tuma datos di e
dalmento aki. E auto a keda confisca y cu takelwagen
el a wordo transporta pa warda di Balashi.
