Page 36 - Awemainta

36 AWEMainta Diabierna, 12 Februari 2016
Parlamentario Chris Dammers di AVP:
Mocion di AVP pa
Beach Stadium
na Aruba a keda
aproba
“DURANTE tratamento di presupuesto di
pais Aruba den Parlamento cu a keda recien
aproba, mi persona den nomber di fraccion di
AVP a entrega un mocion pa bin cu un “Beach
Stadium” aki na Aruba, cual mocion a keda
aproba c’un gran mayoria.
Durante añanan cu a transcuri y mirando
e gran interes na Aruba e ultimo aña pa
deporte na beach manera beach volleyball,
beach tennis y beach futbol cada biaha e
necesidad pa tin e facilidadnan adecuado pa
organisa eventonan local y internacional pa e
deportenan aki ta bira mas y mas necesario”,
segun Chris Dammers.
“Aruba ta conoci pa su hendenan amabel, su
clima tropical adecuado y un solo cu ta briya
constante cu su playa bunita.
Den e discusionnan pa haya un tereno
adecuado pa traha un stadion pa e proposito
aki a bay wak na diferente sitio riba e strip di
playa pa e area di hotelnan y a bin cay ariba e
tereno cu ya no ta ser uza mas esta e tereno di
e ex-Bushiri Hotel, cual tereno ya den plannan
tabata wordo planea pa wordo asigna como un
area pa beach publico.
E desaroyo di e area aki pa diferente meta, e.o. den un proyecto asina of di otro instancianan
pa deporte y recreacion publico y profesional,
pa conciertonan y otro eventonan publico
grandi, sin stroba e creacion di un beach
publico moderno, lo nifica un facilidad y un
atraccion publico nobo y deseabel pa nos
comunidad y lo percura pa e embeyecemento
di e area aki cu un proyecto asina, cu e
iluminacion necesario den anochi cu lo haci e
area aki y e beach publico uno hopi atractivo
y accesibel cu tur su facilidadnan di parkeer y
recreacion”, Chris Dammers ta splica.
“Minister di Deporte, Sr. Alex Schwengle ta
trahando riba un “business plan” pa un stadion
asina na Aruba specialmente mirando cu tin
intencion pa organisa e competencia mundial
di “beach football” na aňa 2017 na Aruba,
caminda cu FIFA ta disponibel pa asisti cu US$
1.5 miyon (dollar) den e proyecto aki y mira
e disponibilidad tambe semper di Lotto pa
Deporte lo mester mira nan interes pa participa
of comercio local.
Pa es motibonan aki y cu aprobacion di
Parlamento di Aruba a urgi e Ministernan
encarga cu deporte, infrastructura y turismo
pa explora e deseo y posibilidad di un proyecto
asina riba e tereno di ex-Bushiri Hotel y pa por
informa Parlamento mas lihe cu ta posibel.
Cu e proyectonan aki Gabinete Mike Eman
II cu aprobacion di e Parlamento sosteni cu
miembronan mayoria di AVP y cumpliendo cu
e visionnan pa mehora facilidadnan deportivo
y recreativo pa pais Aruba ta cumpliendo cu
un otro bon proyecto pa nos pueblo”, Chris
Dammers a duna di conoce.