Page 23 - ARUBA BANK

AHATA A Señala Cu Ocupacion Di Hotel A Baha Na

Januari

 Local
- 11/02/2020

Aruba Hotel & Tourism Association (AHATA) ta acumula e cifranan di ocupacion y
prijs di hotelnan tur luna, y pa luna di januari 2020 e CEO di AHATA Tisa LaSorte a
anuncia cu e ocupacion a baha.

Desde e horcannan den region Caribense di september 2017 Aruba a experiencia
crecemento consistente den demanda y ocupacion.

Pa motibo di e extra demanda pa nos isla, e prijsnan tambe por a aumenta den ultimo
tempo. Pero 2019 a resulta un aña positivo pa nos turismo. Den e ultimo lunanan por a
ripara cu e demanda a cuminsa nivela, y awor na januari ta mira e ocupacion a reduci.

JANUARI 2020
Ocupacion: E ocupacion na hotelnan a baha cu 5.3 punto compara cu januari 2019,
yegando 83.4%. Dos hotel so a experiencia crecemento den ocupacion.

ADR: E balor averahe di cada kamber (ADR) den januari a crece cu 3.4% compara cu un
aña pasa, yegando $367.67. Por nota cu prijsnan ta normalisando.

RevPAR: E entrada averahe pa tur kamber disponibel, na januari tabata $306.61, un
reduccion di 2.7% compara cu un aña pasa.