Page 29 - AHATA
P. 29
Despues cu alrededor di 300 persona tabata presente na DIMAS, nan a tende cu ningun
hende cu tin status illegal of ya caba algun tempo na Aruba por yega na remarke pa asilo.
Ora cu realmente bo ta den problema cu bida na peliger na bo pais, bo mester avisa
mesora autoridad na bo yegada na e otro pais. Cu otro palabra manera a wordo splica,
asina cu yega for di Venezuela of otro pais y yega na imigracion, bo mester avisa cu bo
kier asilo politico. Parce cu hopi of tur no tabata sa.
Te ora cu gobierno y e directora di DIMAS a splica esey, el a bira eye opener pa e
otronan. Pesey mes diasabra diripente e prome a yega y bisa imigracion cu e ta den
problema na su pais y ta wordo persigui. Su bida ta na peliger na Venezuela y pesey kier
mesora haya asilo politico. Dimes nan ta atende cune y sigui e proceso pa mira su loke e
ta papia ta berdad. Na Aruba no ta duna sin mas Asilo Politico. No por corda cu a duna
un hende asilo politico ultimo añanan. Ademas e homber cu a pidi asilo diasabra na su
yegada conoce Aruba. El a yega di bin caba y keda akibou. El a gosa di tur loke Aruba ta
ofrece. Awor el a dicidi di bay bek despues di algun bishita. El a sinti su mes comodo na
Aruba y kier core bolbe y bati na porta pa asilo. Esaki ta weganan cu nan kier hunga y cu
sigur no ta wordo traga sin mas pa autoridad na Aruba. Recientemente despues di e
presencia di 300 Venezolano illegal na DIMAS, a yega tambe un avion di 157 pasahero.
Personal di imigracion tabata tin extra atencion pa e yegada di pasaheronan di Venezuela.
Pesey mes na dado momento a pone 24 on hold pa pasa e proceso extra di control. Di 24
un total di 11 parce a wordo manda bek Venezuela. Kiermen e personal na frontera
trahando na airport tin un wowo habri pa cualkier Venezolano cu ta bin cu intencion di
