Page 14 - MIN TTC

Aunke cu tabata tin un bahada den pasaheronan Venezolano na comienso di aña e cantidad di
turistanan di Venezuela a cuminsa subi bek

Sunday, 20 March 2016 18:44
Comparti

E pasahero Venezolano tabata un dolor di cabes pa e ambtenaarnan di imigracion vooral pa e situacion cu tabata
tin. Segun Gerald Vingal, director di Imigracion, aña 2015 tabata tin un aumento masha grandi mes di biaheronan
Venezolano y manera cu tur hende sa na Augutus a cuminsa cu 0 tolerancia y na September a bin cu e medida di
acepta cash so for di Venezolanonan cual ainda ta na vigor.
Na Januari por a mira cu tabata tin un bahada di 13 mil Venezolano cu a drenta Aruba compara cu December. E
motibo cu ta wak pa esaki ta cu un bahamento drastico pa den un luna y segun Vingal esaki tin di haber cu e ATM
mashinnan no tabata duna dollar te cu recientemente y na Venezuela nan tabata sa esey pakico hopi hende a
dicidi di no bin Aruba. Ultimo dianan por a wak atrobe, na Februari, cu e cantidad di Venezolanonan cu a bin
Aruba, a crece atrobe, pero no na e mesun nivel cu na November y December, pero si a crece compara cu Januari
y atrobe, segun Vingal, ta deduci cu door cu e ATM mashinnan a cuminsa duna dollar atrobe. E rumor ta core
mesora. Loke ta e grupo di Venezolano cu si un dia sin keda haci algo, manera un dia e control baha un tiki door
cu falta personal of door cu e toezichthoudernan ta cansa, pasobra ta tur dia nan ta traha y no ta 100% atento,
pero ora cu esey pasa por mira un dia despues hopi Venezolano ta bin di un dia pa otro. Tin un conexion ta bisa cu
esaki ta pasando, esaki no. Ta di supone cu e noticia ta core lihe cu e ATM ta duna dollar bek. Awor aki e
Venezolanonan mester tin 150$ pa anochi y den cash y por lo general nan mester di e rekisitonan manera adres
legal, paspoort valido, retour ticket of di transito, cu ta keda na su luga. Vingal a anuncia cu dia 9 di Maart a tuma
un otro medida riba e divisanan cu nan ta duna turista y e medida cu a wordo tuma ta cu por ehempel cu por a
cumpra 1$ pa 12 Bolivar y awo el a bira 206 bolivar pa $1. Ta un cambio bastante grandi y ta di supone cu e ta bay
baha e cantidad di hende cu ta bay cumpra e dollarnan. Pero ainda e verhouding di e 206 cu ta paga pa un $1 y
riba mercado negro cu $1, ta haya 980 Bolivar ta keda e prikkel pa un hende bin Aruba y pa lanta e dollarnan pa
despues bay mercado negro pa cambia nan. Loke cu imigracion ta bay over riba dje tambe cu ta riba termino
corto, cu despues lo amplia mas riba dje, cu lo bay tuma e control over, pasobra tur hende cu mester di papel di
garantia, ta bay na departamento huridico y imigracino kier tuma esaki over. Ta preparando un luga cu ta ideal pa
esaki y apunta algun hende di imigracion pa haci e trabao di analisisnan pa tur e garantstellingsformulier, unda cu
e persona cu ta para garante mag di ara garante, si e tin suficiente placa pa cubri pa e hende cu ta bin keda cerca
dje. Check si e persona conoce e persona cu ta para pe. Ta un tiki mas estricto riba e control di e papelnan di
garantia, pasobr ta spera cu door di e placa no ta bin placa na dje y tin un cambio awor aki cu e hendenan ta bay
haci mas uzo di posibilidad di e papel di garantia, Vingal a remarca.

http://www.24ora.com/local-mainmenu-5/106638-aunke-cu-tabata-tin-un-bahada-den-pasaheronan-
venezolano-na-comienso-di-ana-e-cantidad-di-turistanan-di-venezuela-a-cuminsa-subi-bek