Page 8 - HOH 13 MAY 2017

AWEMainta Diasabra, 13 Mei 2017 27
Prome Minister Eman a drenta
cu BoBario den Noord pa
scucha loke ta deseo di pueblo
HABITANTENAN di Noord tabata con-
tento cu bishita di Prome Minister Mike Eman
diahuebs mainta. E mandatario hunto cu funcio-
narionan di su Ministerio un biaha mas tabata
riba caya, no solamente pa scucha preocupacion
di e habitantenan, pero tambe pa informa cu den
oranan di anochi ta sende den forma simbolico e
prome luz LED den e area patras di Grand East
Hardware cu ta den scuridad.
A cana un ruta basta largo hunto cu e.o. funcio-
narionan di GKMB y Serlimar, por a constata cu
e ta un bario limpi, cu hopi vivienda nobo.
Den e caminata, e mandatario y su team a wordo
compaña pa miembronan di famia Kelly-Ruiz y
hustamente dilanti nan cas e prome luz LED a
wordo sendi diahuebs anochi.
Por bisa cu en general, e ciudadanonan ta con-
tento cu maneho di Gabinete Mike Eman II y a
expresa n’e mandatario cu e unico necesidad pa
nan bario ta luz y camindanan asfalta.
Kisas un tiki azeta mes pa tapa e stof lo yuda,
un habitante a comenta.
Di otro banda nan tabata contento pa scucha cu
ta bay cuminsa instala puntonan di iluminacion
nobo den e bario.
Un di e habitantenan cu a compaña e mandatario
den e caminata tabata Andy Rasmijn, kende
tabatin masha elogio p’e bishitanan semanal di
Prome Minister Eman den e barionan di Aruba.
“E caminata nan aki ta hopi bon, pasobra Prome
Minister ta cana cu funcionarionan di Serlimar y
tambe a trece e bon noticia cu e parti di e bario
ey lo haya luz.
Nunca antes tabatin luz den e parti di bario aki.”
Tambe e ciudadano a combersa un rato largo cu e
mandatario riba su pensamento riba caya grandi.
“Mi a bisa Prome Minister no habri caya grandi
pa trafico. E caya ta masha bon manera cu e ta.
Si bo ta un bon comerciante, cu tin bon producto
of mercancia pa bende, e hendenan ta acudi
serca bo.
Caya ta hopi bunita, a inverti hopi placa pa haci’e
bunita manera e ta. Pesey mi ta haya un lastima
pa habri e caya pa trafico y lag’e na werki. E ta
bon manera e ta.”
Pa loke ta e bario mes, sr. Rasmijn a bisa cu nan
deseo aworaki ta p’e caminda haya asfalt, pasobra
e stof ta mata nan.
Inclusive, el a bisa, “si nos por haya un poco
di azeta mes ta suficiente pa awor. Si por pone
“sleeping police” tambe ta bon den futuro, pa-
sobra tin hopi mucha aki banda y e autonan ta
core duro.”
Sr. Rasmijn a finalisa bisando cu tin hopi cos
bon pasando na Aruba, manera hopi proyecto
den desaroyo. Tin hopi progreso tur rond Aruba.
“Tin hopi cos bon andando y ainda falta.”