Page 40 - MIN VOS_Neat
P. 40
Lotto ta felicita Aruba Triathlon Association cu un fin di
siman exitoso den competencianan internacional na Florida
y Ecuador
Tuesday, 02 May 2017 20:20
Comparti
Den e weekend tras di lomba Aruba Triathlon Association un bes mas a conoce un prestacion exitoso den
e Caribbean Championship na Key Biscane, Florida y den e Camtri Series na Salinas, Ecuador.
Na Caribbean Championship cu a tuma lugar na Key Biscane, Florida, e atletanan Giannon Eights, Linda
Smith y Sandra Postma a logra sobre sali den un fuerte bataya contra e miho atletanan di triathlon den
nos region. Mester bisa cu e atleta hoben Giannon Eights a logra un prome lugar den su categoria y ta
logra finalisa na un di 4 lugar overall den e evento. E dos atletanan femenino, Linda Smith y Sandra
Postma tambe a logra un resultado formidabel unda Linda Smith a logra un prome lugar den su categoria
y un segundo lugar overall, mientras Sandra Postma a conkista un prome lugar den su categoria y un di
cuater lugar overall. Na e mesun momento na Salinas, Ecuador a inicia e Camtri Series den e deporte di
Triathlon y aki Aruba su tri-atleta elite Renze Postma ta logra un di 8 lugar overall y ta kibra su record
personal cu mas cu 4 minut, cual sin duda ta un prestacion di kita sombre.
E atleta Renze Postma pa mas cu dos luna y mei a permanence den exterior unda e la atende un campo di
entrenamento na Colombia. Lotto, e Loteria di Aruba ta manda palabra di pabien na e cuater atletanan
Renze Postma, Giannon Eights, Linda Smith, Sandra Postma como tambe na coachnan Glennon Eights,
Nicolaas Robert y Aruba Triathlon Association pa nan tremendo resultado obteni pa Aruba su deporte.
Cumprando weganan di Lotto, e Loteria di Aruba bo ta contribui na deporte riba nos isla. Meta di e
fundacion ta pa organisa loteria, cambia bida di su hungadonan y na mes momento inverti den deporte
local pa medio di donacionnan na e Comision di Subsidio.
http://www.24ora.com/index.php?option=com_content&view=article&id=121388:lotto-ta-felicita-
aruba-triathlon-association-cu-un-fin-di-siman-exitoso-den-competencianan-internacional-na-florida-y-
ecuador&catid=3:deporte&Itemid=7
