Page 63 - MIN VOS_Neat

Prome torneo di golf pa minusvalidonan den Caribe ta

tumando luga na Tierra del Sol

Tuesday, 02 May 2017 22:16
Comparti

Ronella Tjie Asjoe-Croes a duna un y tur bon bini durante e apertura di e prome torneo di Golf
pa invalidonan den Caribe.
Ta un evento cu no solamente ta enfoca riba e bunita cancha di golf, pero mas importante pa
traha conexion, lanta concientisacion y percura cu nos ta un isla feliz pa tur hende.
ATA a bin ta activo den e mundo di golf pa un tempo caba. Tambe nan tabata sponsor pa e
Asociacion di Golf di minusvalidonan na Hulanda. E organisacion aki ta crea oportunidadnan pa
hende cu ta fisicamente deshabil door di organisa torneonan di golf, caminda cu golf ta un
deporte di intensidad abao, cu por wordo disfruta pa tur hende.

E torneo di golf a wordo organisa na Hulanda aña pasa. ATA ta orguyoso di duna un bon bini na
e ganadornan di e torneo, hunto cu un profesional, cla pa forma parti di e torneo di golf na
Tierra del Sol y Divi Links.

Esaki sigur ta un logro y algo cu por ta hopi orguyoso pa colabora cun’e.

Aña pasa, den cuadro cu e torneo na Hulanda, e asociacion di minusvalidonan di golf a haci
donacion di un handycart na ATA pa wordo uza na Tierra del Sol. E paragolfer, ta yuda
hendenan cu deshabilidadnan fisico, pa para straight durante golf. Aruba ta e prome pais den
Caribe pa ricibi un handycart pa uzo permanente. Esaki ta un bon ocasion pa haya un tayer
tambe pa atleta y stakeholdernan local, pa introduci e concepto aki tambe. Ta un bunita
momento pa por uni atletanan internacional cu atletanan local, pa comparti e oportunidad aki
hunto. Esey ta loke Aruba ta. Sigur ta look forward pa introduci cosnan nobo na un y tur, como
un isla feliz y e bunita cos cu por, como balor agrega, pa trece hunto atletanan local y
internacional. A haci’e den eventonan previo y ta contento di a haci esaki awe tambe.

E ehecutivo a gradici Divi Links y Tierra del Sol, como tambe ATA pa esaki. Den e mesun rosea
el a desea tur esnan cu ta participa y esnan cu no, hopi suerte durante e torneo.

http://www.24ora.com/index.php?option=com_content&view=article&id=121389:prome-torneo-di-
golf-pa-minusvalidonan-den-caribe-ta-tumando-luga-na-tierra-del-sol&catid=1:local&Itemid=5