Page 14 - AM240104
P. 14
14 SUCESO AWEMainta Diahuebs, 4 Januari 2024
Tragedia despues cu avion di Japan Airlines a cende candela
en un incidente devastador n’e aeropuerto
DTokyo-Haneda, un avion di Japan Airlines
(JAL) cu tabata transporta un centenar di pas-
ahero, a cende candela despues di a dal contra
un otro avion cu tabata participa n’e labornan di
emergencia despues di e temblor. E accidente a
tuma luga durante e proceso di aterisahe, pro-
vocando un candela catastrofico den e avion di
pasahero.
E vuelo 516 di JAL a yega for di Sapporo, ciudad
nort di Hapon pa 5:47 di atardi ora local. Tur
e pasaheronan y e tripulacion, incluyendo ocho
baby, a wordo evacua cu exito for di e avion na
candela. Sinembargo, e di dos avion envolvi, cu
aparentemente tabata un De Havilland Canada
DHC-8, opera pa Wardacosta di Hapon (JCG), a
sufri consecuencia grave, ya cu cinco di e seis
personanan cu tabata abordo a perde nan bida.
E capitan di e avion di JCG ta den estado critico.
Un video a capta e horibel momento caminda
cu e avion di pasahero a hay’e envolvi den un
enorme bola di candela riba e pista. A uza e
tobogannan di emergencia y e pasaheronan a
sali pura pura for di e avion mientras cu e bomb-
eronan tabata lucha pa controla e vlamnan
creciente.
E avion di Wardacosta di Hapon tabata bayendo
e aeropuerto di Haneda na un base aereo den e
prefectura di Niigata, cu e intencion di contribui
cu e labornan di ayudo despues di e temblor di
magnitud 7,5 cu a sacudi e zona dialuna.
Japan Airlines ta efectuando un investigacion pa
determina e detaye y e causanan di e candela
di e avion. E gravedad di e incidente a lanta
preocupacion y e autoridadnan ta trahando pa
acumula mas informacion.
E vuelo, identifica como un Airbus A350-900
segun FlightAware, tabatin aproximadamente
400 pasahero y tripulacion abordo durante e
suceso tragico.
Mientras cu e situacion ta sigui desaroya, nos
pensamento ta cu e afectadonan p’e incidente
angustioso aki n’e aeropuerto di Tokyo-Haneda.
Fuente: CNN
