Page 37 - MIN ARENDS

AWEMainta Diaranson, 2 Augustus 2017 17

Evento final di Aruba Bank

Good4theNeighborhood

Building Entrepreneurs ta

tuma lugar dia 5 di augustus

E participantenan di Good4theNeighborhood Build-
ing Entrepreneurs a caba di completa nan segundo
siman y awor ta drentando e ultimo dianan di e
proyecto.

E siman aki nan lo enfoca pa completa e proyecto
y traha riba cada rekisito p’asina dia 5 di augustus
nan por presenta nan producto final n’e comunidad
di Aruba.
Tur team lo tin un Pop-up stand rib’e sitio di parkeo
di La Linda den caya G.F. Betico Croes.
E teamnan lo ta ofreciendo nan producto na e pueblo
di Aruba for di 10’or di mainta te cu 3’or di atardi y
despues nos lo pasa p’e parti oficial unda cu nos lo
saca e ganadornan di e proyecto di Good4theNeigh-
borhood Building Entrepreneurs.

Durante e segundo siman e participantenan a haya
varios presentacion di comerciantenan den nos comu-
nidad cu a comparti nan experiencia y conosemento
cu nan.
Jimmy Douglas y Arnaldo Maduro di The Mancave
Barbershop a presenta e Elevator Pitch. Edward Eras-
mus a siñanan con pa pone un budget den otro. Lay
Hing Yee a mustra e participantenan e importancia
di structuranan di gasto y ganashi. Rafeli Croes di
KVK tambe a haci su presentacion y tur e team nan
participante a pasa den e tramite di habri nan propio
negoshi. Jessica Posner di Aruba Aloe a duna varios
ehempel di packaging y merchandising.

Y por ultimo, e studiantenan a haci nan loan pitch
na e huradonan cu mester a aproba nan peticion pa
un financiamento p’asina nan por logra completa nan
producto pa diasabra venidero.

Un invitacion cordial ta bay pa henter e comunidad
di Aruba pa bin sostene nos participantenan di G4N
diasabra awor for di nan Pop up stand den caya G.F.
Betico Croes.