Page 26 - DIARIO

PAGINA 26
No laga pa depresion pone bo cay
den consumo di droga
A capta nos atencion e noticia
cu un mucha di apenas 15 aña,
mester a bay para na PAAZ pa
consecuencia di uso di e droga
cu nan yama moli.
Nos a bin tende cu e ta
birando popular meymey
di hopi di nos hobennan, y
cu nan ta bira agresivo te
perde cabes, manera nos por
a lesa den corant a pasa cu
e hoben cu tabata envolvi
den un pleitamento cu otro
hobennan.
Nos ta puntra nos mes, kico
ta loke ta hiba asina hopi
di e hobennan na mundo, y
lamentablemente Aruba no
ta e excepcion, na consumi
droga y cual droga cu ta bin
na moda, nan ta use.
Nos kier haci un yamada na
e hobennan pa no laga nan
depresion vence nan y pone
nan uza droga comosifuera
nan por sali for di problema
consumiendo droga, sea moli
of otro di e tantisimo cu tin.
No laga ningun hende
manipula boso y laga boso
kere cu ora boso ta sinti so,
droga ta e solucion. Corda
bon cu semper tin un hende,
un gran amigo cu ta wak pa
bo, por fabor bisa NO na
droga!
E amigo aki no ta otro cu Jesus! tin un keho of preocupacion
Tin hobennan cu pa un of otro
motibo tin momentonan cu ta
aleha hasta di nan mayornan.
Di con? Nos no sa, pasobra
tin hopi, pero hopi mayor
cu ta percura bon pa nan
yiunan pero tog nan ta tuma
un otro direccion podise pa
curiosidad, presion di grupo,
of pasobra nan ta pasando den
un pubertad of adolescencia
dificil, y ta prefera isola
nan mes cu confia den nan
mayornan, ruman, of otro ser
keri.
Hoben corda cu droga
ta peligroso. E ta crea
dependencia y ta pesey ta
asina dificil pa sali for di dje. no ta sirbi…” cu nan ta malo,
Nan ta use apesar cu nan sa
cu e ta malo y cu poco, poco
pero sigur ta deteriora e bida
tanto paden como pafo.
Pero cu forza di boluntad y
un FE supremo den Dios,
acercando Jesus, confiando
den Dje boso problemanan,
boso conflictonan interno, por
logra sali for di e abismo cu
consumo di droga ta hinca bo
den dje.
Sin duda e ta un reto hopi
grandi no solamente pa e
hoben pero pa nan mayornan.
Mester evita pa e hobennan
cay den e mundo perverso
aki, cu ta dirigi pa esun malo
cu ta opone na e felicidad di
e ser humano, pero kier mire
hundi su mes den lodo.
Awendia tin muchanan cu
apenas tin diez aña cu ya
caba ta uza droga of ta bebe
alcohol. Con por ta? Podise
nan mayornan ta traha full
time, y ta confia otro hende
pa wak pa nan sin ripara cu e
muchanan ta den mal paso, of
cu no ta wordo scucha.
Pero e atencion y afecto di e
mayornan of di esnan cu ta
na encargo di nan cuido, ta
indispensable pa tur mucha.
Tin mucha cu ta wordo tenta
y margina den famia y na
school, pasobra nan tin algo
diferente, podise nan caracter
of nan manera di anda cu
otronan, y esaki ta isola nan
tambe, ta laga nan sufri,
DIARIO
Hubentud Den Movecion
trompica, y e salida cu nan ta
haya ta usando droga, cu nan
ta kere ta bay haci nan mas
fuerte, siendo tur contrario.
Awendia, nos por scucha hopi
hende bisa cu “nos hubentud
na lugar di haci algo pa lanta
nan amor propio, pa mustra
nan cu nan ta importante.
Ohala cu nos misanan
catolico, un dia por bin cu
comisionnan den e diferente
parokianan, cu por organiza
tayernan di trabao creativo,
charlanan biblico duna na un
manera atractivo, caminda
e hobennan tin gana di bin
y siña ocupa nan tempo den
cosnan productivo y agradable
pa nan.
Como grupo di hobennan
catolico y como hoben mes,
nos ta sumamente preocupa
cu e desaroyonan aki di
drogadiccion hubenil, cu a
lanta cabes den nos pais y na
lugar di disminui ta parce cu
ta aumentando.
Si berdad “ta tuma un
comunidad pa lanta un
mucha” nos kier yega na e
curazon di mayornan, otro
familiarnan, misanan catolico
y otro gruponan cristian tanto
di hoben como di adulto, pa
hunto haci algo pa combati
e problema di drogadiccion
cerca e hobennan cu ta den e
mundo aki. Ban uni boluntad
y nos man pa rescata nan.
Nan ta parti di nos generacion
cu den futuro lo tin cu braza
y carga Aruba riba un mihor
futuro, y si nos no haci algo
awe, kizas aki un rato ta
mucho laat!
Dios bendiciona nos
hobennan, aleha un y tur for di
e peligro di droga, drenta den
cada hogar y yuda mayornan
proteha nan yiunan. Dios
bendiciona henter nos pueblo,
nos famianan, y laga sinti
su presencia den cada un di
nos su curazon y lanta nos
consenshi cu cada un hoben
ta responsabilidad di cada un
ciudadano di nos dushi pais
Aruba!
Mundo di Mucha cu Jesus y
Hobennan cu e Luz di
Mundo.
DIARANZON 8 APRIL 2015
E reaccion dilanti desorden
emocional di e hoben
E reaccion dilanti e desorden emocional ta mas varia, y nan
ta depende di e circunstancia particular di cada caso. Pero
esun mas general ta di scapa pa por enfrenta cu e problema
cu e hobennan ta bibando, e ta algo asina doloroso cu e
prome salida ta di scapa, mecanismo di defensa. Scapando
di e problema ta un actitud di no realiza locual ta pasando of
di manifesta cu nan no ta worry. Trata di disimula e tragedia
interno cu nan ta biba y e actitud aki di un mucha ta duna
di pensa e mayornan cu realmente e no a wordo afecta cu e
situacion.
Pa por scapa cu e problema e hoben of mucha ta uza
e mecanismo di defensa di represion locual ta den su
inconsciente y pa logra sake for di eynan mester cuminsa
drenta den su consciente ya cu e conflicto aki ta insoportabel
pa nan, e unico cos cu e la haci ya trata di desplaza sin cu
e mes ta ripara e informacion of problema di su consciente
nan su inconsciente nan unda esaki ta genera mas tension
emocional.
Den hopi caso nos por bisa cu e yiunan ta victima inconsciente
di e divorcio of di un mal relacion di nan mayornan.
Den e mundo di e adulto mester sa cu e decision di un
divorcio ta directamente di e mayornan y ta hopi importante
conoce kico e yiunan ta pensa y sinti riba e situacion aki
posibel, locual ta yuda den e construccion di un bon equipo
di e mayornan y cu generalmente ta wordo uza den un terapia
di famia cu nos ta yama prome cu e divorcio.
E solucion ideal:
Tin solucionnan pa cu esaki? Por ta posibel cu si y otro nan
ta pensa cu no ta existi e solucion ideal, pero si mester sa cu
mester construi un solucion den cada caso cu apoyo di un
consehero, terapeuta familiar, o psicologo cu por establece
acuerdonan basico pa por mantene e mihor ekilibrio
emocional di e ex-pareha, mayornan di e yiunan y hasta
incluso di e parehanan nobo cu por establece mas dilanti.
Un di e acuerdonan basico ta cu e mayornan mester haci
un bon equipo cu ta yuda evita algun otro conflicto prome
cu e divorcio y di locual mester tin e voluntad y valor di
enfrenta na locual por sosode. Nos mester sa cu den cualkier
inconveniencia sea divorcio of otro situacionnan cu tin cu e
salud mental di nos hobennan y nos muchanan e mayornan
mester saca mas forza y mas boluntad ainda ya cu cualkier
decision tuma pa un adulto mester sa e consecuencia cu
por bin tras di dje y mester para responsabel cu e decision
cu como equipo un biaha nan a dicidi di ta hunto y como
equipo di dicidi cu nan lo separa.
Pa yega na un matrimonio, of tuma e decision di tin yiu
entre pareha mester ta consciente di locual cada un ta haci y
ta prepara mentalmente, economico y social pa un decision
di e magnitud aki wordo tuma, ya cu den e casonan aki di
pensa cu despues di tin e relacion y no ta consciente di dje
por trece mas dilanti desacuerdonan den e pareha y tambe
desacuerdo emocional na e yiunan sin cu nan a pidi esaki.
Nos mester sa cu no tin un manual paso pa paso pa por evita
esaki, pero si por tin e inteligencia corecto pa tuma un bon
decision sin afecta un di e partinan comprometi.
Colaboracion boluntario
Drs. Mitsy McCollum-Willems
Psicologo Clinico