Page 14 - ATA

14 AWEMainta Diabierna, 23 Februari 2018

Adres: J.G. Emanstraat 9
Bank: CMB# 63898408

Email: info@stichtingrancho.org

www.stichtingrancho.org

Mercado den Rancho lo bira un

realidad.

Oranjestad Aruba - Markt, na

Papiamento Mercado, ta un luga unda e
comunidad por bini hunto y sostene

companianan chikito local. Ken por
lubida e mercado na waf’i Rancho unda

e pueblo tawata bin cumpra nan

productonan. Aunke esaki no ta e caso
awendia mas, nos kier trece e concepto

y tradicion aki na Aruba bek. Un di e vision nan di Stichting Rancho semper tawata pa crea un
mercado. Hunto cu Aruba Tourism Authority (ATA), Flor de Oriente y Vibration Co. nos a uni

forsa y pronto lo realisa esaki. E prome Martk lo tuma lugar, diasabra awo dia 24 di februari

2018.

Vision:

Markt lo tuma luga riba tur ultimo diasabra di luna. Un luga unda tur hende, specialmente e
local, habitante, piscado y artistanan di e bario ta uni den un localidad den e bario di Rancho, den

e curason di Oranjestad pa bende nan producto, cuminda y/of artesania, dunando e pueblo
henter y nos bishitantenan e oportunidad pa cumpra nan producto, sosteniendo nan. Stichting

Rancho ta ofrece tur facilidad na habitantenan di Rancho of companianan chikito local na un

prijs rasonabel pa asina nan por haya e oportunidad pa por bin bende nan productonan den e
Markt.

Rancho Walking Tour

Sin falta, Stichting Rancho tambe lo ofrece nos famoso Walking Tour na esnan interesa

cumisando pa 9:30 di mainta. Dia 24 di Februari lo ta e ultimo Walking Tour completamente
gratis. Pues probecha. Donacion semper ta bon bini!

Con pa forma parti di e Martk?

Si bo ta interesa di forma parti di e mercado aki of kier haya sa mas di e Rancho Walking Tour,

tuma contacto libremente cu nos na: info@stichtingrancho.org of bel+297 562 8352