Page 9 - AM201215
P. 9
Diamars, 15 December 2020 AWEMainta 9
‘The Tree of Giving’ na Hilton Aruba
Caribbean Resort & Casino
E temporada di Pasco aki, Hilton Aruba ta comparti su amor pa comunidad cu un recaudacion di fondo unico
Hilton Aruba Caribbean Resort & Casino ta embarcando den un
mision di amor por medio di encurasha bishitante y coleganan pa
yuda traha un Kerstboom di Poinsettia den e lobby, manera un
recaudacion di fondo pa Fundacion pa nos Comunidad.
E aña aki, enbes di tin un Kerstboom tradicional como e punto
central di decoracion den e lobby durante dianan di fiesta, e resort
a bin cu un iniciativa creativo pa recauda fondo, incluyendo e
comunidad, treciendo local y bishitantenan hunto pa un bon causa.
Durante e ultimo lunanan, e resort su team tabata hacienda trabao di
boluntario cu e banco local, maneha por medio di Fundacion pa nos
Comunidad [FPNC]. Hunto nan a inverti den un cantidad di 5,800
ora boluntario na Club Kibrahacha, e central di e banco di cuminda.
FPNC su mision ta pa combati y trece un fin na pobresa, angustia
emocional y exclusion social riba e isla.
Prome cu e pandemia, e banco di cuminda tabata sostene
aproximadamente 200 famia Arubiano pa luna cu pakete di
cuminda. N’e momentonan aki, e banco di cuminda ta sostene
mas cu 6,000 famia cu paketenan di alivio.
E gran food drive, no lo ta possible sin apoyo financiero di
diferente individuo y organisacionnan generoso. Bishitantenan
cu kier yuda sostene e isla su banco di cuminda cu donacion,
ta wordo puntra pa bishita e resort su front desk y cumpra un
Poinsettia di $25.
E Poinsettia lo wordo agrega n’e lobby su Kerstboom na unda
cada flor individual lo bira parti di e tremendo causa.
Hilton Aruba Caribbean Resort & Casino lo cumpra cuminda cu
100% di e fondonan colecta, y haci donacion di esaki n’e banco
di cuminda.
