Page 5 - Minister Mike de Meza

Diahuebs 14 Januari 2016 Pagina 19

Mike de Meza mester stop di hunga grandi….

20 aña pasa MEP ya a firma

pa sondea petroli

Comentarionan di “Smell Gas” ta cos di muchachada

Despues cu Mike de Meza
kier hunga grandi, hunga
THE MAN, riba asunto di
petroli y gas, nos corant
a dicidi di bay bek den
pasado pa asina investiga
kico a pasa riba e tema aki.

Nos a bin encontra un
recorte di corant CORANT
fecha dia 20 di maart
1989, unda aki Nel Oduber
a firma cu e compania
MARAVEN, pa asina nan
por haci sondeo di petroli
den nos awa teritorial.

E acuerdo aki a wordo firma
entre Venezuela y Aruba,
por medio di e companianan
MARAVEN y pa Aruba
NOCA. Pa Maraven tabata
na Aruba Minister di
Energia, Celestino Armas,
kende a mustra cu lo usa
tur experiencia Venezolano
den nan capacidad pa
sondea pa poso di petrolio.

E tempo aya no tabata
dispone di technologia
manera ta existi awe. Esey
a conduci cu e sondeo cu
a tuma lugar na 1989 /1990
no a logra ningun hayasgo.

Pesey mes, Mike de Meza
no mester aparenta cu e
ta haciendo algo di otro
mundo, pasobra den
pasado ya caba MEP a
pasa den e proceso aki.

Tambe mester condena e
actitud di haci broma riba
SMELL GAS. No duna e
baby nomber prome cu e
nace! Pues, si e momento
yega cu tin gas, henter
e pueblo di Aruba lo por
celebra! Pero ta egt cos
di muchachada pa traha
luchtkastelen.

E recorte di corant ta mustra
un poco di e decision di
MEP, firma pa Nel Oduber
pa asina por haci sondeo
pa petroli.