Page 15 - DIARIO

A15
HENDE Diaranson 25 Juli 2018

Minister Ruiz Maduro presente na celebracion dia

di independencia di Colombia

ORANJESTAD – Siman pasa e consulado di Co-
lombia na Aruba, Mirza Gnecco Pla a conmemora
e di 208 aniversario di Dia di Independencia di Co-
lombia. Aki ta caminda cu minister Xiomara Ruiz-
Maduro(MEP) a representa prome minister na e
bunita celebracion aki na Cas di Cultura.

Na su yegada e mandatario a wordo calurosamente ricibi
pa Consul di Colombia Mirza Gnecco Pla. Minister Ruiz-
Maduro a hiba palabra den nomber di gobierno di Aruba
riba e tema di e celebracion “Reconcilación en nuestras
manos”. Durante su discurso e mandatario trece dilanti
cu pa nos comunidad por progresa nos mester trece hunto
e talentonan cu nos diferencia ta trece cu ne, pasobra ta e
union di e diferencianan aki ta locual ta yuda nos supera
conflicto y division. Esaki ta segun e comunicado cu nos
a ricibi.
Nos mester uni nos talentonan y accion pa nos por reno-
ba, construi y pone nos pais a tono cu e necesidad- y inki-
etudnan cu e situacion di awendia ta trece cu ne. Ademas
minister Ruiz-Maduro a expresa su palabranan di gratitud
na tur Colombiano cu a contribui na progreso di nos pais
y cu a integra nan mes felizmente den nos comunidad.
E evento a conta cu entre otro presencia di gobernador
Interino Yvonne Lacle-Dirksz, Presidente di parlamento
Juan Ady Thijsen y varios miembro di parlamento.