Page 14 - AM221121

Deporte AWEMainta Dialuna, 21 November 2022

Ecuador ta cuminsa riba bon pia

COPA Mundial Qatar 2022 a cuminsa. E prome wega a tuma
luga ayera diadomingo pa exactamente 12or di merdia entre
e pais anfitrion Qatar y Ecuador. E wega di mas facil pa ambos
pais, ya cu nan ta den pool A hunto cu Hulanda y Senegal. Un

wega balansa den loke ta posesion di e bala, pero na final gol
ta conta. Ecuador, ganando e partido cu score di 2-0, ta ricibi su
prome 3 puntonan pa asina lidera su grupo. Despues di cu un
gol di Enner Valencia, kende a sali “Man of the Match”, a keda

anula, e mes a sigura 2 gol na di 16 y 31 minuut.

E ekipo di Qatar mes a hunga un wega basta defensivo y
trankilo. No tabata tin hopi atake. E tiki nan cu tabata tin a

pasa den e ultimo 15-20 minuut nan di e wega, cual a hasie
imposibel pa nan score, ya cu Ecuador a baha completa-
mente den defensa despues di tin un bentaha di 2 gol. Qatar
awo mester gana maske ta un di nan siguiente partido

nan pa nan keda na bida. Sigur un presion enorme ya cu
como pais anfitrion bo no kier laga bo pais na caya, pero
como un pais y ekipo cu apenas tin algun aña ta practica
hunto, cu casi niun experiencia internacional, e ta hasie

dificil pa nan. Pero e bala ta rondo, nan tin 2 wega ainda.

E prome wega a tuma luga na Al Bayt Stadium cu un asistencia di 67,372
persona. Loke por remarca cu a prohibi benta di alcohol pa tur partido

di e mundial aki, sinembargo por a nota un ambiente espectacular.

E siguiente wega di e mundial ta awe dialuna 21 november. Pa 9AM
nos lo tin Inglatera vs Iran (Grupo B), 12PM nos tin e prome wega di

Hulanda, kende lo enfrenta Senegal (Grupo A) y e ultimo partido ta
3Pm entre Merca y Wales (Grupo B).

14