Page 35 - ATA
P. 35
Aeropuerto di Aruba a gradici su
partnernan valioso pa 2017
27 February, 2018
0
Aruba Airport Authority N.V. (AAA) recientemente a tene su Relations Party
anual y a usa e oportunidad aki pa gradici tur su partnernan cu ta traha hunto
pa aeropuerto por ta exitoso. E ta tuma varios persona y diferente organisacion
pa maneha e retonan diario pa mantene e operacionnan di un aeropuerto, y
2017 no tabata un excepcion.
E evento cu tema “Glow” a wordo teni den e Ballroom di Aruba Marriott, y
durante e festividad, 3 award unico a wordo otorga di parti di AAA pa
prestacionnan excepcional den 2017:
COPA Airlines a ricibi e “On-Time-Performance Award” for di AAA su COO Sr.
Jurgen Benschop y AAA su CEO Sr. James Fazio como e aerolinea cu e mihor
record pa ta na ora (89.5%) pa 2017. Serca den e competencia tabata KLM
(84.3%) y Southwest Airlines (81%).
