Page 32 - AAA JUNE 16 2015
P. 32
Aruba pronto lo conoce adaptacion di e ley existente pa
permiso pa hotelnan
Publication: Tuesday, 16 June 2015. Categoria: General
Parlamentario Jennifer Arends-Reyes
ORANJESTAD (AAN): Segun señora Arends-Reyes den calidad di presidente di comision di
Turismo dialuna dia 15 di Juni ultimo, a trata e topico di maneho pa cu hotelnan All-Inclusive pa
nos isla.
Presente tabata Minister Otmar Oduber, Minister Alex Schwengle y directora di ATA na e
reunion importante aki caminda cu a presenta un concepto di e cambionan pa e ley di permiso pa
hotel. Den e concepto aki ta duna espacio pa gobierno tin mas di bisa na momento di un benta di
hotel of ‘take-over’. Den e caso aki pa e vision di gobierno pa cu maneho di Turismo no sali for
di su poder pa regulacion.
Tambe ta propone den e ley entre otro control mas estricto ariba otro acomodacionan cu no ta
hotel por ehempel casnan di famia cu na momento ta huur cambernan pa un persona of mas cu
meta turistico nan lo tin cu cumpli cu mas rekisito. E adaptacionan cu lo drenta na vigor dentro
di poco a ser haci den palabracion cu diferente stakeholder importante y desde dialuna
Parlamento tambe a haya e oportunidad di tuma nota di e cambionan proponi.
E reunion tabata uno cu a trece claridad riba e tema di hotelnan All-Inclusive y a pone bon
enfasis cu nos maneho pa cu Turismo ta keda uno diferente y di calidad den Caribe. Na
momentonan aki nos ta papia di un ‘mix’ ratio di hotelnan All-Inclusive cu ta na 30% vs 70% di
hotelnan EP (European Plan) caminda cu e cumindanan no ta inclui den e prijs di camber.
Aruba kier mantene su percentahe den e trend aki pa no bira mescos cu den Caribe cu e
percentahe di hotelnan All-Inclusive ta casi 70% di tur hotelnan. Di parti di Parlamento nos ta
desea di wak e cambionan den e ley aki pa permisonan pa hotel pasa mas pronto cu ta posibel cu
cooperacion di Raad van Advies/Conseho Consultativo señora Arends-Reyes ta termina.
http://www.diario.aw/2015/06/aruba-pronto-lo-conoce-adaptacion-di-e-ley-existente-pa-permiso-pa-
hotelnan/
