Page 6 - AWEMAINTA

6 AWEMainta Dialuna, 10 Juli 2017

Siman grandi pa Partido Mep:

Lansamento di mas candidato nobo

E siman aki ta otro siman grandi pa partido MEP, den cual lo lansa candidato
nobo. Lider di MEP Evelyn Wever-Croes a duna di conoce cu MEP a cuminsa
desde aña pasa ta busca candidatonan fuerte pa fortifica e lista di MEP.

Pa partido MEP ta importante pa forma un ekipo di personanan cu por carga e
vision di partido y cu por ehecuta e cambionan cu pueblo ta pidi.
E no ta un tarea facil pa haya candidatonan nobo. E ta un tarea hopi pisa y
delicado. Pero e biaha aki formacion di e lista ta bayendo mucho mas facil cu 4
aña pasa.
Ainda MEP tin un lista di varios persona cu a aplica of demostra interes pa subi
lista di MEP, y partido ta den proceso pa papia cu nan. Y e siman aki lo lansa
mas candidato nobo.

Por nota cu e candidatonan nobo ta causando hopi nerviosismo den seno di
oponentenan, cu ta lansa atakenan contra e posibel candidatonan hasta prome
cu nan wordo lansa. E nerviosismo aki ta comprendibel pasobra e partidonan
oponente tin problema pa yena nan lista, un problema cu partido MEP no tin.

Ta obvio cu e vision y strategia di e Lider di MEP, Evelyn Wever-Croes ta ha-
lando atencion di hopi hende.
MEP ta creciendo cada dia mas, su candidatonan ta moviendo mas agresivamente
tur caminda, manera cu pueblo kier mira.