Page 40 - AM240426

40 COMUNIDAD AWEMainta Diabierna, 26 April 2024

Exitoso ‘Ban Topa’ cu studiantenan na Den Haag

GABINETE di Minister Plenipotenciario a tene un exitoso
Ban Topa diaranson anochi 24 di april cu studiantenan for di e
region di Leiden, Den Haag, Delft y Rotterdam. Esaki a tuma luga
na De Haagse Hogeschool y a conta cu presencia di Minister

Plenipotenciario mr. Ady Thijsen, Minister di Finansa y Cultura
Xiomara Maduro, Minister di Labor, Integracion y Energia
Glenbert Croes y directora di Gabinete di Aruba mr. Joselin
Croes. Tambe tabata presente directora di Departamento di

Recurso Humano (DRH) Omaira Lares.

Un cantidad di mas cu 30 studiante a participa n’e ‘Ban Topa’
cu a consisti di un discurso di Minister Plenipotenciario Ady

Thijsen. Minister Thijsen a duna un splicacion riba e vision y
maneho di Gabinete di Aruba cu ta basa riba cinco pilar. Dirigi
riba e studiantenan presente den e sala, Minister Thijsen a
vocifera su deseo pa nos studiantenan bay bek Aruba, mirando

e “vergrijzing” unda hopi hende ta bay cu pensioen y e cuponan
di trabao aki mester wordo yena. Tambe e hecho cu tin proyec-
tonan, manera hotelnan nobo, cu ta rekeri trahado. “Nos t’ey
como Gabinete pa duna e apoyo y sosten na boso nan. Uno, nos

tin un compromiso cu otro unda nos ta bay haci todo lo posibel
pa nos por yuda boso den esaki. Pero mester tin un intercambio.
Nos mester di boso, boso mester di nos, Aruba mester di boso. Y
esaki a base di confiansa. Nos kier pa Aruba bay dilanti y esey ta

exigi traha cu otro”, tabata e palabranan di Minister Ady Thijsen.

Despues e programa a sigui unda e seccion di dialogo a sigui
unda e grupo di studiantenan a haya algun pregunta p’asina

recoge pensamento, idea, sugestionnan unda Gabinete di
Aruba lo por sigui traha riba maneho hunto cu Ministerio di
Enseñansa di Aruba pa stimula e desaroyo y bienestar di studi-
antenan Arubiano na Hulanda.

Directora di Departamento di Recurso Humano (DRH) Omaira
Lares a tene un discurso unda el a splica e maneho y plannan
cu Gobierno di Aruba ta hiba riba recurso humano y kico esaki

ta nifica pa studiantenan ora cu nan caba y ta desea di bay bek
y traha na Aruba.

Minister di Finansa y Cultura Xiomara Maduro a tene un discurso

hopi bunita, unda el a enfatisa e aspectonan positivo di bay bek
Aruba y di e manera ey contribui n’e desaroyo di Aruba cu lo
mester bin di nos mes hendenan.

Gabinete di Minister Plenipotenciario por mira bek riba un Ban
Topa hopi exitoso, na unda pa medio di dialoga a tene un inter-
cambio habri cu e studiantenan p’asina sigui conecta y reforsa
y relacion entre Gabinete di Aruba y studiantenan Arubiano.

Potretnan cortesia di Arubahuis