Page 41 - MIN SJA 9 APRIL 2016

Minister Paul Croes ta felicita gerencia di Zara Aruba pa un start
ehemplar den e aspecto laboral

Publication: Friday, 8 April 2016. Categoria: General

ORANJESTAD (AAN): Minister di Asuntonan Social, Labor
y Hubentud ta felicita gerencia di Zara Aruba cu apertura di nan mahuestuoso
establecimento
na Oranjestad.
Fuera di embeyece centro di ciudad cu un edificio moderno y introduci na nos comunidad un di e marcanan Europeo
di mas gusta na mundo, e compania ta representa un fuente considerabel di cuponan di trabao pa nos hendenan.

E proyecto di Zara Aruba a genera un impulso economico pa e diferente companianan local cu a participa den su
construccion y tambe den su operacion, di awo pa dilanti. Awo nan ta percura pa 67 cupo di trabao pa tata y mama
di famia. Ta bon pa menciona, cu di e cantidad ey, 65 ta personanan local.

E compania a percura pa entrena su personal debidamente facilitando cursonan tanto riba nos isla, como tambe
den exterior. Esaki ademas di garantisa un bon servicio pa nan clientenan, ta duna un balor añadi na cada empleado
cu nan ta keda cune pa semper.

For di tres luna pasa caba e trahadonan ta riba payroll di e compania, mientras cu tabata den preparacion pa e
apertura pa publico cu a tuma luga ayera diahuebs. Mientras tanto no ta descarta e necesidad pa amplia e personal
tanto den Zara, como den otro tiendanan cu e inversionistanan tin plan pa habri den futuro.
Relaciona cu esey, Zara Aruba a confirma su participacion den e proximo Expor Labor 2016. E compania lo tin un
booth na e evento di diasabra 23 di april den Renaissance Convention Center caminda tur esnan interesa por yena un
aplicacion pa trabao.

http://www.diario.aw/2016/04/minister-paul-croes-ta-felicita-gerencia-di-zara-aruba-pa-un-start-ehemplar-den-e-aspecto-laboral/