Page 14 - MIN SJA 8 DEC 2015

AWEMainta Diamars, 08 December 2015 3

Gang di Arte 2015 DESPUES cu ganadonan di e competencia Gang di Arte
den e competencia
final di “luna yen” (GDA) 2015, grupo “IOTE” a bay Hulanda p’asina presenta
na Corsou n’e gran final di “Kunstbende”, awor a toca turno na grupo
“Next Level” cu a bay cu e premio di prome finalista, pa a bay
presenta na Corsou n’e competencia final di “Luna Yen”.
GDA ta un proyecto di Departamento di Cultura Aruba (DCA)
bou di auspicio di Ministerio di Cultura, unda cu hobennan
entre 13 pa 21 aña ta competi den e talento cu nan ta domina
miho.
E presentacion mester ta un original cu e hobennan mes ta
crea. Tur aña tin un tema cu e hobennan mester pone enfasis
riba dje den nan presentacion.
E aña aki e tema tabata “Fiesta” y grupo di baile “Next Level”
di Popcorn Club, a presenta un “Fiesta Africano”.
Diasabra 28 di november na Teatro La Tentacion, e hobennan
di grupo Next Level a presenta nan baile como invitado special,
durante competencia final di “Luna Yen”.

Luna Yen ta un proyecto smilar cu GDA di cual tur aña tin un
intercambio cu e dos islanan. Durante final di GDA, e prome
finalista di Luna Yen Corsou ta presenta na Aruba y durante
final di Luna Yen, GDA Aruba ta presenta na Corsou.
E hobennan ta haya oportunidad pa por intercambia cu otro,
mustrando nan talentonan. E hobennan di Aruba a disfruta
inmensamente na Corsou y na nomber di DCA, ta gradici
Sr. Segni Bernadina, director di Teatro y Lilimar Valencia,
coordinado di proyecto “Luna Yen” pa nan hospitalidad y bon
relacion cu nos.
Tambe un pabien p’e ganado di “Luna Yen”, Jean Phael
Clerford cu a presenta cu un cancion impactante titula “Listen”.
DCA kier a recorda tur hoben cu kier participa cu GDA 2016,
cu otro aña GDA ta bay pa su di 10 aniversario.