Page 5 - AWEMAINTA
P. 5
Diasabra, 15 Februari 2020 AWEMainta 5
Di acuerdo cu SEPPA
Aanvullende verzekering of
AZV-plus pa trahadornan di
fundacionnan ta wordo kita
Pero ningun Minister sa di esaki
APENAS algun siman di prome luna di
aña 2020, e trahadornan di Fundacionnan
a haya e información cu e “aanvullende
verzekering “ of AZV plus, cu tabata wor-
do subsidia pa Gobierno ya no lo ta e caso
mas.
For di unda of ki momento e decisión aki
a sali no ta conoci. Loke si ta conoci ta cu
e fundacionnan di ripiente ta haya nan
man na cabez, ya cu semper e derecho aki
a wordo subsidia p’e trahadornan di funda-
cionnan.
Ademas di esaki, e ta hinca den diferente
contrato di trabao.
SEPPA a reuni cu Minister di Asunto So-
cial, Glenbert Croes, ya cu mayoría di e
fundacionnan aki ta cay bao di su Minis-
terio.
Minister Glenbert Croes a informa SEP-
PA cu su Gobierno en todo caso no a duna
ningún ordo pa kita un derecho asina for di
e trahadornan di fundacionnan.
SEPPA ta spera e mesun reacción di parti
di e otro Ministernan bao cual un of otro
fundación ta resorta, p’asina e asunto aki
ta wordo aclara y soluciona manera mester
ta.
Tambe SEPPA a bin comprende cu lo bay
corrigi e malentendimiento aki p’asina es-
nan cu tin cu corigi e error aki hacie tambe.
Nos ta spera cu enberdad esaki lo sosode.
