Page 21 - KPA

AWEMainta Diabierna, 11 Augustus 2017 5

Segun Andin Bikker

Minister Dowers

a bolbe duna su

mes un diploma di

incapacidad

E hecho cu e Minister encarga cu Husticia, mr. Arthur
Dowers, a bay over na acepta vest di seguridad (cu apa-
rentemente hasta su propio nomber riba nan) for di un
compania den sector priva, a cay den masha mal tera den
nos comunidad y cerca varios miembro di e propio Cuerpo.
For di un press release emiti un poco rato despues dor di e
Alto Comisario di Polis pa trece clarificacion, a bin resulta
cu Mando Policial mes no tabata na altura di e donacion
aki y logicamente a rechasa esaki inmediatamente, Bikker
a declara.

E tarea pa percura cu nos Cuerpo Policial ta bon ekipa
y por eherce e trabou debidamente protegi ta un terea
primordial di e Minister encarga cu Husticia, no di sector
priva. Pues dor di acepta donacion di vestnan di seguridad
Minister Dowers a admiti un biaha mas cu den 2 termino
di gobernacion e no por a percura pa nos Cuerpo Policial
tin suficiente ekipo pa por eherce e trabou debidamente
protegi, Bikker ta splica.

E Minister a duna su mes pues un diploma di incapacidad,
un asina yama “brevet van onvermogen”. Si e Minister
lo a compronde su trabou e lo a percura pa nos Cuerpo
Policial ta suficientemente bon ekipa cu e. o. vestnan anti
bala y “tasers”.
Sigur ora constata cu atraconan arma ta na orden di dia
y ya caba a yega un record lamentabel pa loke ta trata
2017, esaki despues cu ya desde 2010 atraconan arma a
bin ta aumentando barbaramente bou di e mal maneho
di e Minister y Gobierno actual, Bikker ta mustra.

En todo caso nos comunidad por conta cu partido POR
den gobernacion si lo percura pa nos Cuerpo Policial, y
tur otro departamento di Gobierno, ta bon ekipa pa por
traha debidamente protegi y asina brinda nos comunidad
y nos bishitantenan e proteccion y servicionan necesario,
Bikker ta duna di conoce.