Page 6 - KPA

Boksmento ariba Driemasterstraat a laga pareha

di edad herida atras

1 min ago 0 0 Views
Driemasterstraat – Diahuebs merdia algo prome cu 2:30 polis di trafico a wordo pidi panort di rotonde di
Driemasterstraat, pa un boksmento cu hende herida.
Na yegada di polis nan ta constata cu tin dos persona di edad herida, un dama cu un kap na cabes y e
cabayero tawata tin dolor den pecho.
E boksmento a sosode momento cu e Kia a subi Driemasterstraat for di Caya Frere Bernardinus y dal
contra e Hyundai i10.
Den e impacto e pareha di edad a keda herida y a wordo transporta pa hospitaal den un ambulance.
Antisocialnan a purba drenta Pizza Hut via dak

3 mins ago 0 0 Views
Sasaki – Diaranson marduga polis ta haya informacion cu alarma di Pizza Hut a bay on, indicando cu lo
tin hende den e luga. Polisnan na nan yegada a wordo informa, cu e ladronnan lo a purba drenta via dak
Pero aparentemente net caminda a traha e entrada, tawata tin un sensor, cu a activa e alarma.
Manera e alarma a bay on, nan no a pensa dos biaha y move.
Na e sitio a haya un sker y un pata di cabra, cu lo ta pertenece na e ladronnan.
Security guard a scucha tiro na Hato

2 mins ago 0 0 Views
Hato – Diaranson marduga un security guard altura di Aruba Bank na Hato, a avisa cu ela scucho tiro.
Mes ora un patruya a bay pa e sitio, mirando cu ultimo dianan pariba di brug tambe tin un auto ta core
rond y los varios tiro.
Polisnan a controla pero no a haya nada particular. E agentenan a papia cu e security guard cu a
splicanan, ela wak un grupo di hoben banda di e banco y despues a tende e zonido.
Na yegada di polis, nan no a topa e grupo di hobennan aki tampoco.
Yaris tawata wordo horta di su piezanan na Tanki
Leendert

1 min ago 0 0 Views
Tanki Leendert – Diaranson marduga polis ta bay dilanti OK Supermarket, pa un of mas persona cu lo
tawata desmantelando un Toyota Yaris.
Na yegada di polis, e antisocialnan ya a bay di e sitio. Loke polisnan a nota si tawata cu, nan a cuminsa
los partinan di e auto.
Pero no a logra bay cu nan.
Via di camera di seguridad di e supermercado, nan lo tin imagennan di e suhetonan.
Un dama herida den boskmento na Eagle

1 min ago 0 0 Views
Eagle – Diamars merdia polis a bay altura di Amsterdam Manor, caminda un boksmento a tuma luga y tin
un persona herida.
Na yegada polis ta tuma nota cu ta trata di bus di Arubus y un auto particulier.
Loke nos por a compronde na e sitio tawata lo siguiente, esta cu e auto Ford lo a subi e caminda y
probablemente no a wak e bus.
E area caminda e incidente a tuma luga no tin mucho espacio pa maniobra, causando cu e bus parti
drechi dilanti ta dal e parti di e chauffeur.
Un dama cu tawata na stuur di e Ford a resulta herida y a bay cu ambulance direccion Hospitaal.